Sunday, December 29, 2013

අවසන් ලියුමයි ඔබට ලියන්නේ - Finish 2013 on a High Note


බය උනා නෙහ්? ^_^ 

අවසන් ලියුමයි ඔබට ලියන්නේ කිව්වම නිකන් ගෑණු ළමයින්ට එහෙම අඩන්න වගෙත් හිතුනද මන්දාය. ඒත් බය වෙන්නට කිසිම උවමනාවක් නැත. රජා වූ කලී වැඩකට එන්ටර් උනාම දුම් ගහලවත් එලවන්න බැරි ජාතියේ සතෙක්ය. මං මේ කිව්වේ 2013ට ලියන අන්තිම පෝස්ටුව කියලාය. ඒකත් එසේ මෙසේ ජුන්ඩං පෝස්ටුවක් නොවේය. ජයග්‍රාහී 200 වන පෝස්ටුවය. දැන් ඉතින් කට ඇරන් බලන් නොයිද රජාට තුඩු පඩුරු තෑගි බෝග තබා යෑම හොදය. 2014 දෙයියනේ කියලා සාර්ථක වෙන්න සුට්ටන් තෑග්ගකුත් රජා අද දෙන්නේය. මේක දෙන්නේ නිමල පවිත්‍ර පිරිසිදු චේතනාවෙන්ය. කොමළ කමල සිතින් එය පිළිගැනීමෙන් මහානුඵල මහානිසංශ ඔබ සැමට අත්වනවා නියතය.

මේ අවුරුද්ද වූ කලී බ්ලොග් ගෙට්ටු වැහි වැහැපු, නැට්ටේ ඉදන් මඩ ගාගත්තු පට්ටම අවුරුද්දක්ය. ඇයි යකෝ මෙහෙම හැම අවුරුද්දෙම සෙට් වෙන්න ගියොත් එහෙම අර කන්‍යා පටලය වගේ ලාවට ඉතුරුවෙලා තියෙන චරිත සහතිකෙත් නැත්තටම නැතිවෙලා යනවාය. හිටහල්ලකෝ මම නං ආයේ ඕවට එන්නෙම නැත. මේ ටිකම බල බල හිනාවෙන්න හොදටෝම ඇතිය. ඔය ගෙට් වලට ගිහින් අපි වගේ සූටි ලපටි කොල්ලන්ට මඩ ගහන උන්ට සීනි බෝල වලින් පශ්චාත්භාගෙට වෙඩි තැබිය යුතුය. මන්ද කූඹි කා මරණයට පත් වීම යනු අති භයානක දඩුවම් ක්‍රමයක් නිසාය.


අප්‍රේල් - සයිබර් බක්මහ

දෙසැම්බර් - බීච් පාටිය 


 
Brace your selves

හා එහෙනං මේ අන්තිම දවස් වල වැඩිය ඥං පචන් කියවන්න යන්න හොද නැත. මොකද ඔය පුරුදු ලබන අළුත් අවුරුද්දටත් තියාගෙන බැරිය. ඕවා මෙතන තියලා අළුත් මිනිහෙක් විදිහට අළුත් බලාපොරොත්තු වලින් ඉදිරියට පා නැගිය යුතුය. ඔය ගෑනු ළමයි එහෙම තරහා වෙන්න එපාය. ඒ උනාට මම ඔය කෙල්ලවම හැමෝවම අමතක කරලා ඉවරය. ෆෝන් එක නැති වෙලා සති ගානක් උනේය. එක එකියක් හිත හැදෙන්න කතා කලාද? නැත... උඹලා මට එපා එපා එපාමය!! මම කතා නොකරන්නේ වෙන මොකුත්ම නිසා නොවේය. ඒ සුන්දර නොම්බර ටිකත් මුහුදට ගසා ගෙන ගිය නිසාය. එක අතකට ෆෝන් එකත් නැතුව ජීවත් වීමත් මාර නිදහස්ය. දැන් සතියක් විතර ඒ නිදහස මනාව අත්විදින්නේය.

කෝ පුතේ කෙල්ලෝ?? නමට විතරයි අම්මේ..! -_-



ඒවාගෙන් වැඩක් නැතිය. මෙන්න 2014 ට රජා දෙන තෑග්ග. ඇන්ඩ්‍රොයිඩ් ෆෝන් තියෙන අයට මෙන්න අපේ කිරි කිරි දුම් විසිවෙන ඇප් එක. බාගන්ඩ ඈ...^_^

 මෙතනින් බාගන්න


බයිද වේ... හැපි 2014 ක් ආ... :)
සුභ වේවා!!! රාජ සම්පත් ලැබේවා!!!

Monday, December 23, 2013

සයිබර් මෙගා බඩකඩිත්තුව - Cyber Mega Beach Party 2013




ගියපාර ගම්පහ ගෙට්ටුවෙන් පස්සේ බ්ලොග්කරුවන්ගේ ගෙට්ටුව මේ ඊයේ පෙරේදා පැවැත්තුනේය. ඒ වෙරළ සාදයක් ලෙසය. ගල්කිස්සේ........ගල් අස්සේ.... තියෙනවා කිව්වට ඒ හරියේ එක ගල් කෑල්ලක්වත් තිබ්බේ නැත. හැබැයි ෂුදු පාට ගල් කැබලි කීපයක් නම් තිබුනේය. යකෝ බලාගෙන ගිහාම සුද්දිගෙ පොටෝවක් ගන්න බලන් ඉදලා තියෙන්නේ රජා විතරක් නොවේය. කොහෙද අපිටත් ලැජ්ජා නැත. එක සැරයක් සුද්දියක් පස්සේ ගිහින් අහගත්තා මදි වෙලාය. රජා සුද්දිට ඇහැ දාගෙන ඉද්දී තවත් ඇහේ පොට යවාගන්න හදන උන් දෙතුන් දෙනෙක් මාට්ටු උනේය. ඒ ස්පීඩියා සමග නාඩියාය. වහාම හොම්බ දිග කැමරාවක් හොයන්න හදද්දිම සිහින අයියා “ආ...හරි බං මමත් දැක්කා..“ කියාගෙන මේ පැත්තට ආවේය. බලාගෙන ගිහාම... එක්කෝ ඕනේ නැත!

සුද්දිව කොපි කිරීම
ඇයි උෂාන් අයියගේ චිත්‍ර වල හිටපු කිරිටොයි කෑලි ටික... හම්මා සුද්දියෝ ටික පරාදයි. ඒවා මේවා අස්සේ මාළු දැලකුත් අදින්නේය. එහෙමත් තනියම අදින්න දෙන්න පුළුවන්ද? රජයි උෂාන් ගොයියයි දැල අදින්න දිව්වේය. ඔන්න ඉතින් අනිත් උනුත් ටික වෙලාවකින් වැලට සෙට් උනේය. කට්ටිය රජාව සංවිධායක මණ්ඩලේටත් දාලාය. ඇත්ත වශයෙන්ම මම කරපු ඇති මෙලෝ මල දානයක් නැත. පොඩ්ඩක් කෑම බෙදන්නයි, තරග තියන්නයි උදව් උනා විතරය. කණ්ඩායම වලට කට්ටිය බෙදපු විදිහනම් පට්ටය. හිටියේ නරියා, බල්ලා, පූසා, කුකුළා/එළුවා, කපුටා ද කොහෙදය. රජා බාරව හිටියේ පූසා කණ්ඩායමය. අපෝ..........නොදකින් මුන් නම් පුසියොම තමාය. එක තරගයක් දිනා ගන්න බැරි උනානේ හැබෑට. ලොල් :D

ඇදපාන්...
නයාගෙ නැට්ට අල්ලන තරගෙත් පට්ටය. තරගෙ පටන් ගන්නකොටම ගෑණු ළමයි වැලි කෑවේය. සමහරු වැල කඩාගෙන පරාද උනේය. නයාගෙ නැට්ටට කෙල්ලෙක් සිටි අවස්ථා බොහෝමයකදී කොල්ලෝ වැල කඩාගත්තේය. දෙවනියට තිබ්බේ පොල්ල වටේ කැරකෙන තරගෙය. කැරකුනේ වට පහක් පමණය. මේකෙ නම් වට 10ක් අනිවා කැරකෙන්නම තිබුනේය. දහය කැරකුනානම් පට්ටම ආතල් එකක් ගන්න තිබුනේය. පහ කැරකිලත් චන්දන අයියා එහෙම තව ඩිංගෙන් නවතින්නේ මාලදිවයිනේය.



ඔය ඒවා මේවා අස්සේ අර ෂුදු පාට ක්‍රිකට් ගහන මාමා මේ පොඩි උන්ට පැණි බීම පෙව්වේය. හාපෝ.........හරිම නරකය. ඇයි තව සාස්තර කියන ආච්චිලා ඇවිල්ලා රජාට මොනවදෝ කිව්වේය.මට මතක නැත. ඔතන තව හතර පස් දෙනෙක් හිටියේය. උඹලාට මතකද ඈ??? රජා හෙන මනමාල මොක්කෙද්ද එකෙක් කීවේය.  ජනවාරි 21 ඉතාමත් සුභ දෙයක් වෙනවා කීවේය (තව කෙල්ලෙක්???). තව අකුරු 3 යාළුවෙක් ගැනත් කිවේය. හෙනම මාන්දමිකය. 

අපෝ...මෙයා කීන එව්වා!
කට්ටිය මූදට පැනලා ආතල් ගන්නේය. අපිටත් එහෙම පුටුවක ඉන්න පුළුවන්ද? බෑ............ තව පොඩි එකෙක් එක්ක දූවගෙන ගිහින් ජබුක් ගාලා වතුරට පැන්නේය. එතකොටම අර හෙනකද මලියා රජාව වතුරේ එබුවේය. පෝං එකයි කැමරාවයි සාක්කුවේය. මානසිකව වැටිලා හිටපු මගෙ හද සන්තාන මාරුතය සුනුවිසුනුව විනාස වෙලා ගියේය. දැන් ඒකේ ගන්න දෙයක්  නැත. තෙමිච්ච රිලවා වගේ ආයේ පැය බාගයක් විතර මුහුදට වෙලා පොඩි ආතල් එකක් ගත්තේය. ඒ මුහුද නම් හෙන නරකය. අපිට ඇගවල් උඩ නැගලා බල්ටි ගහන්න දුන්නේම නැත. හෙන පත රැලි එවලා අපිව බිම පෙරලන්නම හැදුවේය. 

ආතල් ඈ..
බෝලෙන් කකුලට ගහන තරගෙකුත් ඔය අස්සේ පටන් ගත්තේය. රජාට වටකරගෙන ගහපු උන්ට පුරා සතියක් වැලිබඩ යන්න ශාපවිය යුතුය. සිහින අයියා එක්ක වැලි මාලිගාවක් හදන්න පටන් ගත්තා විතරය. මුන් ඒකටත් කෙලෙව්වේය. රජාගේ ඉංජිනේරු දක්ෂතාවය මනාව ප්‍රයෝජනවත් දේකට යොදාගැනීමට මුන්ට තේරෙන්නේ නැත. අර ශම්මියාගේ මනුස්ස රුවනා පව්ය. කවුදෝ පිරිසක් උගේ පතිවත කෙලෙසවේය. හැබැයි උගේ පියයුරු යුවල නම් සිලිකන්ය. පොඩ්ඩ බැරි වෙනකොට පැලෙනවාය. 

වැලි මාලිගා
අන්තිම හරියෙදි මගෙ ලව් එක අටමා සෙට් උනේය. ගම්පහදි වගේම මේ පාරත් තව පොඩ්ඩෙන් ඒ අඩු දෙකට අහුවෙලා දෙකට කැඩෙනවාය. පළවෙනි පාරට මාතලන් හමුඋනේය. හිතාගෙන හිටිය රෑප ස්වභාවය නොවන බව කිව යුතුය. හෙන සුදු බෝල මාමෙක්ය. ^_^ අන්තිමට ඉවර වෙලා කට්ටිය නිවෙස් බලා ගියෝය. සමහරු තැන් ෂිෆ්ට් කලෝය. ඔය අස්සේ අර අටමා, රජාට ශරීර කෘත්‍ය කර ගන්න දුන්නේ නැත. කොහොමහරි අහවල් එකක් බලන්න ඇවිත් ජෝජෝ එකේ ටොයිලට් එකේ ලොක් එකත් පටෝස් ගාලා කැඩුවේය. ඔන්න අපිනම් ඕවට නැත. 

තම්මැට්ටං, ඩෝල බෝල උස්සගෙන කට්ටිය බීච් එක දිගේ අක්කගේ පොට් (සන්සෙට් - දෙහිවල) එක හොයාගෙන ඇදෙනවාය. සමහරු වැනෙනවාය. බීච් එක දිගේ නිදහසේ යන්නවත් නැත. බෝට්ටුකාරයෝ අපිට කතා කරන්නේ බෝට්ටුව ගොඩට අදින්නය. උන් ටික ආ ඕං... කියලා වෙර අල්ලද්දී අපේ උන් නෑදෑකම්වලින් ඇල්ලවේය. සීයේ..... ආච්චියේ..... නැද්දේ.... මාමේ..... හම්බෝ හිනාවෙලාම ඉවරයක් නැත. ඒ අස්සේ පත මාළුවෙකුත් වෙරළට ගහලාය. 

තට්ටෙන් එන සද්දේ මරැ
අපි යනකොට කට්ටිය සෙට් වෙලාය. පොඩ්ඩක් එහෙන් මෙහෙන් අපිත් සහභාගි උනෙමු. ටිකෙන් ටික කට්ටිය හැලුනේය. ඔය අස්සේ දෙන්නෙක්ට අහම්බෙන් මලක් හම්බෙලා දාගෙන ඔතනවාය. කරුවලේ ටෝච් එකක් ගහගෙන උන් වින්දේ පුදුම දුකක්ය. රෑ 7  විතර වෙනකොට රජාට ඉන්නම බැරිය. ඔළුව පැලෙන්න වගේය. අර පොඩි හට් එකක් ඇතුළට වෙලා බුදියගෙන හිටියේය. මුං නිදහසේ බුදියන්නවත් දෙන්නේ නැත. පාප මිත්‍රයෝය. ආයේ නැටුම් තෙල් වක්කරගත්තේය. 9 විතර වෙද්දි බ්ලොග්කාරයෝ ටික විසිර ගියෝය. ඒත් අපි වැල්ලේය. 

එහා පැත්තේ සුද්දාස් ප්ලේස් එකෙත් අපේ මඩයාගේ උන් කට්ටියක් වෙනම සෙට් වෙලාය. අපි කෙලින්ම ගියේ එතෙන්ටය. රජාට කෙලින් ඉන්න බැරිය. මේ බීච් එක ඇදය. හේතුව ඒකය. උඹලා ඕක මගුලක් කරගනින් කියලා රජා ඔළුවක බොල්ලැවට ඔළුව තියාගෙන බුදියගත්තේය. තව කාලකණ්නියෙක් 10ට විතර රජාව ඇහැරෙව්වේය. 

මඩයා: යකෝ බට අරන් වරෙල්ලකෝ. 

රජා: අරං වරෙව් ගිහින්. මම බුදිනේ යකෝ...

මඩයා: උඹනේ මේ පැත්ත දන්න එකා අරං වර...

නිදිමර ගාතේ වැනි වැනී වෙඩික්කාරයා හා තව හිට්මෑන්ද මොකෙද්ද එකෙක් එක්ක පාරට ගියෝය. හීනෙන් වගේ ගිහින් හීනෙන් වගේ ඇවිත් ආයේ නිදාගත්තේය. හොදට නින්ද ගියා විතරය. සුද්දාගේ පොට් එකේ වැඩ කරන උන් දෙන්නෙක් ඇවිත් අපිව ඇහැරුවේය. 

උන්: පැටියෝ...නැගිටහල්ලා. උඹලා ගෙවල් වලට යන්නේ නැද්ද? කට්ටියම ගිහින්. නැගිටහල්ලා.

අපි: අපි මෙතන බුදි...අපි යන්නෑ අද...

ඌ: තව ටිකකින් රැල්ල ගහනවා පුතේ...නැගිටහල්ලා...

මඩයා: කොහෙද යකෝ මෙච්චර මෙහෙ රැල්ල එන්නේ...මූද කොච්චර ඈතද...

ඌ: උඹලා ඕන මගුලක් කරගනින්...

පොරට තද වෙලා ආපහු ගියේය. ඌටත් ලෙසටම වැදිලාද කොහෙදය. මටනං මූණවත් මතක නැත. ඌ අපිව ඇහැරෙව්වත් හරි හුළගේ සීතග දැනෙන්න පටන් ගත්තේය. දැන් කකුල් දෙක කිටි කිටි ගාලා වෙව්ලන්නේය. අරෑ ආයේ ටිකකන් ආවේය. 

ඌ: අනේ පැටව්නේ නැගිටහල්ලා බං... ආදරේටනේ කියන්නේ. ඇවිල්ලා අර ඔරුව ගාවින් නිදාගනිල්ලා. අපිට දුකයි බං උඹලා ගැන. මෙතනින් ඉදහන්. බොසා ගිහාම ඇතුලෙන් තැනක් දෙන්නං. ආයේ ඔරුව ගාව නිදාගත්තෙමු. ලස්සනට නින්දගියා විතරය. අර හිවලා ආයේ අපිව ඇහැරෙව්වේය. ඒ හෝල් එකේ නිදාගන්න කියන්නය. අපි හෝල් එකට ගියෙමු. හප්පේ සීතල නම් අඩුවෙලා ගියේය. ඒත් අම්බානට මදුරුවෝය. ඒ අස්සේ උන් රයිස් එකක් දෙන්නත් කතා කලේය. හිටියේ අම්බානට බඩිගින්නේය. මොකෙක්හරි එකෙක් එපා අයියේ කීවේය. මට කියන්න කිසිම දෙයක් මතක් උනේ නැත. අනිත් පැත්ත හැරිලා නිදාගත්තා පමණය. 

6ට විතර ඇහැරිලා බලනකොට අළුතෙන්ම ගත්තු සෙරෙප්පු දෙකත් නැත. බැරිම තැන හෝටලේ තිබ්බ දෙකක් දාගෙන බෝඩිමට එන්න පිටත් උනේය. අරෑ කිව්වා හරිය. උදෙද් බලනකොට කලින් නිදාගෙන හිටපු තැනට රැල්ල ගහලාය. එතන බුදියන හිටියානම් එහෙම මෙලහකට අන්දමන්ද දූපත් වලය. අපරාදේ ෆ්‍රී ටුවර් එකක් යන්න තිබ්බ චෑන්ස් එකය. බල්ලෝ වගේ වැලි නාගෙන සෙනග නැති බස් එකකින් ගද ගගහා දෙහිවලින් නැග්ගෙමු. ආයේ උදේ ගල්කිස්සට එනකොට කඩ ඔක්කොම වහලාය. සබන් කෑල්ලක් ගන්න තැනක් නැත. ඉරිදා හින්දා ගල්කිස්සේ පොලත් එක්කය. පොල අස්සෙන් රිංගලා ගිහින් ටූත්පේස්ට් + සබන් ගත්තෙමු. බෝඩිමට ඇවිත් හොදට වැලි යන්න නා ගත්තෙමු. 

8.30 ලෙක්චර්ස් පටන් ගත්තේය. පොඩ්ඩක් වෙලා ඉදගෙන හිටියෙමි. තාම වෙරිද කොහෙදය. ඇගපත කඩාදාලා වගේය. 11 පුටුවෙන් නැගිටලා ගෙදර ආවෙමි. ගෙදර එනකොට අම්මලා වෙඩින් එකකට ගිහින්ය. ගේ පිටිපස්සේ කොන්ක්‍රීට් බංකුව උඩ හොදට නිදාගත්තෙමි. ඕක දැකපු එහා ගෙදර ආච්චි ළගට ආවේය. 

ආච්චි: මොකද පුතේ??? ඔයා ගියා නැද්ද මගුල් ගෙදර...

රජා: නෑ ආච්චි ඔළුව රිදෙනවා. දැනුයි ආවේ. 

ආච්චි: පෙනඩෝල් දෙකක් දෙන්නද?

රජා: බිව්වා ආච්චියේ...

ආච්චි ගියේය. විනාඩි දෙකක් ගියේය. අක්කා ක්‍රීම්සෝඩා බෝතලේකුත් එක්ක දුවගෙන ආවේය. 

අක්කා: මෙන්න මල්ලි මේක බොන්න. 

රජා: ආ.......ටැංකියු ඈ...

අක්කා: හිහි...

ඒක හම්බුනේ වෙලාවටය. හිටියේ අතේ සතේ නැතුවය. මල ජරාව කාලා බීලා කටත් හම ගිහින් වගේය. මොනාද ඉතින් එක උගුරට බෝතලේ ඉවරය. හවස් වෙලා ගෙදර කට්ටිය ආවේය. රජා පියවි සිහියෙන් වගේය. ඒත් හොදටම නොවේය. ඒත් ඒ වගේ ගරු රගපෑමක්ය. මොනවා උනත් පට්ට දවසක්ය. අළුත් උන් අදුන ගත්තේය. හොද ආතල් එකක් ගත්තේය.  හොදට පාඩු කරගත්තේය. පනස්දාහකට විතර කෙළඋනේය. 

සිදුවූ පාඩුව

මඩ කැමරාව ඉවරයි
පෝං එක ඉවරයි
ඔරලෝසුව ඉවරයි
සෙරෙප්පු දෙක ඉවරයි
වකුගඩු නෑ

පොඩිද අපහාසේ ?????

ප/ලි:

මං මඩ පොටෝ හදන්න ඕනෙද? ඕන්නෑ වගේ නෙහ්... මේ පාර ඇති වෙන්න තියනවනේ..... හා මටම ගහපල්ලකෝ. පොඩි බබාලගේ විනෝදෙනේ...

මේ සතිය පුරා මෙහෙම හැසිරිය යුතුය

සුභ වේවා!!! රාජ සම්පත් ලැබේවා!!!

Wednesday, December 11, 2013

යූරිනල් ජනතාව - ඔබ මොකෙද්ද? - 12 types of PEOPLE you find in URINALS - Which one are you?

සාමාන්‍යයෙන් යූරිනල් එකක් පිහිටට එන්නේ අර ස්වභාවධර්මයෙන් එන කෝල් එකකට උත්තර දෙන්නය. ඔය කෝල් එකට එක එක උන් උත්තර දෙන්නේ එක එක විදිහටය. සමහරු ලස්සනට, තාලෙට, සද්ද නැතුව ආන්සර් කරන අතර සමහරු දාගෙන ගාගෙන නාගන්නේය. ඔය ඔක්කොම සිද්දි ටික මෙන්න මෙහෙම ලස්සනට පින්තූර ටිකකට දාගන්න පුළුවන්ය. බලාගෙන ගිහාම හරියට උත්තර දෙන එකෙක් හොයාගන්න එක සෑහෙන අමාරු වැඩක්ය. :D :D







ඔය යූරිනල් වලට සූ කරන්න ගිහින් ඉස්කෝලේදි එහෙම සෑහෙන අකරතැබ්බ වලට කට්ටිය මුහුණ දීලා ඇතිය. අපේ උන නම් හොද කට්ටවල් කාලා ඇත. චූ කර කර ඉන්නකොට පිටිපස්සෙන් එකෙක් ඇවිල්ලා මුළු සරුවාංගෙම හෙල්ලිලා යන්න උරපත්තෙන් අල්ලලා හොල්ලන්නේය. වතුර පාර ඇග හැමතැනමය. නැත්තන් ඔතනින් යන ගමන් පිටට හොද තල්ලුවක් දාගෙන යන්නේය. රජා නම් ඒ දවස් වල හෙන බයෙන් හිටියේ කොයි වෙලාවක හෝ මල්ලියාගේ ඔළුව යූරිනල් එකේ වැදිලා චොප්ප වෙලා යයි කියලාමය. ඒ හින්දාම ඉස්සර කට්ටිය එක්ක සූ කරන්න යන්නෙත් බොහොම කලාතුරකින්ය. ඇයි ඉතින් අපි අනිත් උන්ට ඕක කරලාම උන් බලන් ඉන්නේ අපිට කෙලවන්නය. අදුරන එකෙක්වත් නැති හද්ද ඩොටේ තියෙන ටොයිලට් එකක් හොයාගෙන ගිහින් වැඩේ කරලා එන්නේ ඒ නිසාමය.  

ඔය එක කරදරයක්වත් නැත්තේ මෙන්න මෙහෙම ඔය කෝල් එකට උත්තර දෙන උන්ටය.

තරු පහේ හෝටල් වලදි ඔය කෝල් වලට සමූහ වශයෙන් ආන්සර් කරන්නේ “මෙන්න මෙහෙමය“.


ප/ලි:

හා දැන් ඉතින් රජා අංක 6 තමා කියාගෙන වරෙල්ලකෝ... යූරිනල් එකක ඔබලා මරන්නේ. 

 ඔබේ අංකය කුමක්ද පින්වත???

සුභ වේවා!!! රාජ සම්පත් ලැබේවා!!!

Monday, December 2, 2013

වරෙන් යන්න අපිත් එක්ක....කන්න බොන්න හිනාවෙන්න... - Cyber Mega Beach Party 2013




ආදරණිය බ්ලොග් සහෘදයන් එකට එකතුවෙන තවත් දවසක් ඔන්න ආයෙමත් ඇවිල්ලාය. කාලෙකට පස්සෙ ආයෙමත් ගෙට්ටුවක් පවත්වන්න සියලුම කටයුතු මේ වන විටත් ලහි ලහියේ සූදානම් වෙන්නේය. මෙවර බ්ලොග් ගෙට්ටුව අනික් හැම පාරකටම වඩා ලොකු විශේෂත්වයක් තියනවාලුය. ඒ තමයි මෙවර තියෙන්නෙ Beach Party එකක්ය. බ්ලොග් කරුවන් අතර සහෝදරත්වය , එකමුතුකම වර්ධනය කරන්න , මිත්‍රත්වය අලුත් කරගන්න , නොදුටු මිතුරන් මුණ ගැහෙන්න, මඩ පාරක් කන්න මේ සාදය හරි අපූරු තෝතැන්නක් වනවාට කිසිම සැකයක් නැත. ලංකාව පුරා විසිරි ඉන්න බ්ලොග් අවකාශයේ මිතුරන් විතරක් නෙමෙයි ලෝකය පුරාම බ්ලොග් අවකාශය වටා එකතුවෙලා සිටින ආදරණිය ශ්‍රී ලාංකීය මිතුරන් හැමෝම එදාට එකතුවෙනවාලුය..
 
*දිනය - 2013.12.21 වෙනි සෙනසුරාදා

 
*ස්ථානය - ගල්කිස්ස ජෝ ජෝ'ස් ප්ලේස් ( Jo Jo's Place in Mount Lavinia )


*වෙලාව - උදෑසන 10.00 සිට හවස 4.00

 
*ජෝ ජෝ'ස් ප්ලේස් වෙත පිවිසිම සඳහා ගමන් මාර්ගය සිතියම - මෙතනින්...  http://goo.gl/maps/MdRGp

වෙරල ක්‍රිඩා සහ විනෝදාත්මක අංග රැසක් සමඟින් විනෝද වෙන්න , සතුටු සමීචියෙ යෙදෙන්න එදාට බ්ලොග් ලියන , කියවන අපි හැමොම එකතුවෙන්න දැන්ම ඉදලම සූදානම් වෙන්නලු..

*දුර බැහැර අපේ හිතවතුන්ට හවස 4ට නික්ම යා හැකි අතර එදින මුළු රාත්‍රිය පුරා අපිත් එක්ක රැදෙන්නට කැමති හිතවතුන්ට හිතවතියන්ට මුහදු සුලඟ විඳිමින් ගිනිමැලයක් අසබඩ රාත්‍රිය ගත කිරීමේ චමත්කාර අත්දැකීම ලබාගන්නත් පුළුවන්ලු..

මොකා හිටියත් නැතත් රජ වාසලේ සෙට් එකම (7ක් ඉන්නවා) බීච් එකේ නයිට ගහනවලු..... ^_^

*ආහාර පාන සඳහා වන වියදම් , ස්ථානය සඳහා වන වියදම් සහ අනිකුත් වියදම් සලකා බලලා එක් අයකුගේ ප්‍රවේශ පත්‍රයක් සඳහා රු.350ක මීලක් නියමව තිබෙනවාලු.


මෙන්න මෙතනින් පැමිණීම තහවුරු කරන්න.....
https://docs.google.com/forms/d/1HRVk_3wzPw4GU0LIDtHAc8-a7F2YW4aiAG8uFe-RSfQ/viewform


ඔන්න මේ........පේනවනේ. අපිට ආරාධනා කරන්නෙත් මඩ සදහාම තමයි. මොකද හැමඑකාම දන්නවා රජාට මඩ වලට ආචාර්ය උපාධියක් තියන වග..

 මේ පාරත් ගිය පාරවල් වල වගේ මහා මඩ ව්‍යාපෘතිය නැගලම යනවා... එන උන් සංවරව හැසිරියල්ලා හොදේ..!!! :D :D


 ගම්පහ ගෙට්ටුවේ කතා කරන මඩ පොටෝ




කතා කරන මඩ පොටෝ - සිහින උළෙල 2013 


දෙවනි දිගහැරුම 


කවුද දැන් එන්නේ......???????? :P :P
සුභ වේවා!!! රාජ සම්පත් ලැබේවා!!!

Sunday, November 17, 2013

යාපහු සිංහයා සොයා - A Road Trip To YAPAHUWA


පහුගිය ටිකේම කැම්පස් එකේ වැඩ තොගේකට අහුවෙලා අපේ සෙට් එකම හිටියේ ආතක් පාතක් නැතුවය. වෙනදට පොඩි නිවාඩුවක් හම්බුන ගමන් කොහෙ හරි කන්දක්, ගලක් දිගේ, කැලයක් අස්සේ හෝ අඩුම තරමේ කොල්ලෙක්ගේ ගෙවල් පැත්තේ ගිහින් ගිහින් සවාරියටම පුරුදු වෙලා හින්දා, කොහෙවත් යන්න නැතුව නිකන් සාංකාව වගේය. කට්ටිය රජ ගෙදර ආපු වෙලාවේ යාපහුවේ යන්න හිටියත් ප්‍රවාහන පහසුකම් හා කාලය හිගතාවය මත වැඩේ ජෝන්බාස්ට ගියේය. නිවාඩු පිට දවස් දෙක තුනක් ගෙවී ගියේය. දැන් නම් ගෙදරට වෙලා ෆිල්ම් බල බලම ඉන්නට බැරිය. රජා වහාම ඉස්සරහ ගෙදර සැළලිහිණියට කතා කලේය.

රජා: ඒ බං...කොහෙහරි යමන්කෝ. මට එපා වෙලා ගෙදර ඉදලා. 

සැලා: යමු... බයික් එකේ යාපහු යමුද?

රජා: සුපිරී... යමන්කෝ. 

එලෙසින් යාපහු ගමනේ ආරම්භය ගැනින. සැලයාගේ යාළුවෝ දෙන්නෙකුත් බයික් එකේ එනවා කීවේය. මටත් තනියම යන්න බැරි එකේ අතිජාත පාප මිත්‍රෙයකුටත් කතා කලේය. ඌට තිබ්බ තදියම කොච්චරද කියනවානම් සෙනසුරාදා යන්න තිබ්බ ගමනට මූ සිකුරාදා හවස් වෙනකොටම අපේ ගෙදරය. කෝමහරි යන්න සෙට් එක පස් දෙනාය. සුපුරුදු පරිදි ඉතා වාසනාවන්ත ලෙස සැලයාගේ යාළුවෝ දෙන්නා හැලුනේය. දැන් යන්න ඉන්නේ 3ය. තියෙන්නේ එක බයික් එකය. බයික් එකේ යන වැඩේටත් ඉතා සම්භාව්‍ය ලෙස කෙල උනේය. ට්‍රිප නම් ලොවෙත් යන්නම ඕනේය. අම්බලම් බලන්න ගියාවගේ මේ පාරත් සැලයාගේ ආටා එකේ පිහිටය. අපි තෙල් ගහන පදනම මත වීල් එක හොරෙන්ම ඉස්සුවේය. 

යුවරජා සමග රජා එක ඇදක නිදිය. දුලියා අනිත් ඇදේය. හෙට ඇදගෙන යන්න මල්ලිගේ ෂෝටකට පර්මිෂනුත් ඇද උඩදීම ලබාගත්තේය. යුවරජාගේ දැඩි පාපහරවල් හමුවේ රජා නොසැලී දොයියෑවේය. උදේ 6 නැගිටලා අම්මා කෙහෙල් බැදලා දුන්න සිමෙන්ති කොට්ටේ වගේ බත් දෙකත් අරගෙන 7.30 වෙනකොට ත්‍රී වීල් එකට නැග්ගේය. නගින කොටම බීපු කිරි එක උගුරට එන සීන් එකක්ය. අපේ රියදුරු සැලයා බයික් එලෝනකොට දාන අයිටම් එක වීල් එක එලවන්න දාගෙනය. 

දුලියා: මොකද යකෝ මේ...?

සැලයා: බෑ බං... අත ඉවරයි. 

රජා: සගකුත් දෙන්නද දාගන්න?

සැලයා: කෝ කෝ....

රජා: යකෝ උදේ පාන්දර සග දාන්න එපා. විලි ලැජ්ජාවේ බෑ...

සැලයා: ආහ්... ඕක දාගෙන ගිහාම ෂෙඩ් එකේ උන් මහත්තයා කියනවා. එදා මම දාගෙන ගිහින් මට මහත්තයා කිව්වා. මං හිතන්නේ ත්‍රීවීල් එලෝන එකෙක්ට මහත්තයා කිව්වමද කොහෙද.... වෙනදට මචන් පචන් නේ...


ලොල් සීන්
අම්මා දීපු හොදි බකට් එකත් එක්ක උදේට කන්න පාන් රාත්තල් දෙකක්ම දඹදෙණිය කඩේකින් ගත්තෙමු. දැන් කෙලීන්ම ඇදෙන්නේ යාපහුව හොයාගෙනය. ඒ අස්සේ දැන් හැදෙන කෙල්ලෝ බස් එකට නගින හැටි පොටෝවකට අහු උනේය. සැලයාගේ වංගු ගැනිල්ල ගැන කතා කරලා වැඩක් නැත. මූ ලග නමන නැමිල්ලට කොයි මොහොතක හෝ වීල් එක උඩුකුරුඤ්ඤං වෙයි කියලා අපි හිටියෙ පට්ට බයෙන්ය. ඒ අස්සේ වතුර බෝතල් ටික දෙපැත්තට පෙරලෙන්නේය. කොච්චර බැන්නත් මූ නමන්නෙම ලගය. 

ඔන්න මෙහෙ කෙල්ලෝ
ලස්සන වැවක් ලග නතර කලේ උදේ ආහාරය සදහාය. කැමරාව මානගෙන දුලියා කොක්කු පස්සේ දිව්වේය. ඌ නම් පට්ට කොකාය. පාට පාට උන්ය. මං හිතන්නේ ඌ නම් පාලං කොකෙක්ය. පාන් කකා ඉන්නකොට අර හැමදාම හම්බෙන සංසාරගත බලු මිත්‍රයෝ දෙන්නෙක් ආවේය. කාලා කාලා බැරිම තැන ඔක්කොම ටික උන්ට පුදලා අපි ආයෙත් ගමනේ ඇදෙමු. ඒ අස්සේ කටුපොත ටවුන් එක හරියේ පාර  හදනවාය. කෑවා විතරය. අලි නාවන වලවල්ය. එකකින් ගොඩ එනකොට අනිකට වැටෙන්නේය. 

කොකා

පාන් කමින්
 අපි: *** වලවල් වල දාන්න එපා. බඩ කොර වෙනවා...

සැලයා: හි හි හි...

මූ ඊටත් පස්සේ පාදෙණිය හන්දියට වැටෙන ෂෝට් කට් එකක් කියලා හද්ද කැලේ පාරකින් අපිව එක්කගෙන ගියේය. ඒක ඊට හපන්ය. වලවල් විමානයය. අර වාරියපොළට ගිහින් ගියානම් ඊට වඩා සැපය. පාදෙණියට එනකොට නම් බඩ සැලඩ් වෙලා තිබුනේය. එහෙම්මම කෙලීන්ම දළදාගමට විදලා මහවට ආවේය. මහව ස්ටේෂන් එක පහුකරනවත් එක්කම අපිට ඇඩුනේය. අම්මටසිරි ඒ වන්නි හත්පත්තුවේ පොශ් කෑල්ලක්ය. 

සැලයා: යකෝ අර බලහල්ලා...

කාගෙදෝ මන්දා හොම්බ දිග ලොකු කැමරාවක් සටපට ගාලා ක්‍රියාත්මක උනේය. 

රජා: ඔන්න බලාගනිල්ලා... මහවටම එකයි....!!!

මහවටම එකයි...
අර බඩකොර වෙච්ච කතා, සැලයට කුණුහබ්බෙන් බනින ඒවා මොහොතකට නෑසී ගියේය. මහවටම එකයි එක දිහා කට්ටිය හැරි හැරි බලන්නේය. අයියෝ....දන්නෙම නැතුව යාපහුවටත් ඇවිල්ලාය. වීල් එක නැවැත්තුවා විතරය. ආයෙත් සැලයාගේ ජාතිය ඇමතිම ඇරඹුනේය. එතනම අඹ අච්චාරු විකුනණ සෙට් එකක්ය. දුලියාට නම් අසාධ්‍යයය. 

දුලියා: අයියේ ටොයිලට් කොහෙද?

අයියා: අර තියෙන්නේ..

දුලියා: සුදුපාට එකද?

එහෙම අහගෙනම මු ඒ පැත්තට ක්ෂණිකව ගියේය. 

අයියා: සුපිරි නම් නෑ...ඔහොම තමා තියෙන්නේ. මූ හිනා වෙවී කීවේය. 

සීන් එක කියන්නේ, අරෑට ඇහිලා තියෙන්නේ සුදුපාට එකද කියන එක සුපිරිද කියලා වගේය. මට නිකන් තෝන්තුව වගේය. පස්සේ ඕක රජා දුලියගෙන් ඇහුවේය. 

රජා: මොකද්ද යකෝ උඹ ඇහුවේ? ටොයිලට් සුපිරිද කියලද ඇහුවේ?

දුලියා: ඒක තමා යකෝ... ඌ මොනා කිව්වද මන්දා. 

අපි ගල් පඩිපෙළ ලගට ගියෙමු. හත්වලාමේ... බඩපපුව හෝස් ගාලා ගියේය. පඩිටික තියෙන්නේ මේමය. නිකන් ඉනිමගේ යනවා වගේය. කලින් ආපු නඩ 2ක් විතර පඩිපෙලේ ගාටනවාය. ඒ අසේසේ කෙල්ලෝද සිටියාම නොවේය. අපිට පොටෝවක්වත් ගහන්න බැරිය. උන් අයින් වෙනකන් අපි ඉදගෙන සිටියෙමු. ඔය අස්සේ ඕක බලාගන්න අංකල් අපිට සෙට් උනේය. 

අංකල් - පුතාලා කොහෙද?

අපි - ගිරිඋල්ලේ අංකල්..

අංකල්- ආ.... කට්ටිය යනකන් ඉදලා පොටෝ ගහන්න නිවාඩුව. 

අපි - හරි හරි...

වයසක කට්ටිය හති දාගෙන නැග්ගේය. නොපෙනී ගියාට පස්සේ අපි වැඩ ඇල්ලවෙමු. එක එක ඇක්ෂන් වලින් පොටෝ ගහන්නේය. බිම බඩගාගෙන, උඩ බලාගෙන, බිම බලාගෙන, හිටගෙන, ඉදගෙන එක විකාරයය. බැරි වෙලා හෝ ඒ වෙලාවේ යාපහු සිංහයෝ දෙන්නට පණ ආවානම් එහෙම අපිව මරන්නේ හපලාය. ඇයි යකෝ උන් දෙන්නට දීපු වදයක්. අර රජා කියන එකා උගේ කම්මුලකුත් කොනිත්තලා පොටෝ ගැහුවනේ. 


පොටෝ ගහලා ඉවරවෙලා අපි කෙලින්ම ඇදුනේ යාපහු ගල මුදුනට යන්නය. පඩි සකසා ඇත. සෑහෙන කාලෙකින් යන හින්දා පඩි 10 නගිනකොට බල්ලට වගේ හතිය. දිව පපුවේය. මුදුනට කිට්ටු වෙනකොට දාඩිය හැලි ගණන්ය. දිව ගිලිලාය. 

දුලියා: යකෝ අර කෙල්ලෝ කොහොම නැග්ගද මන්දා...

සැලයා: හා හා... කෙල්ලෝ ගැන කියන්න එපා.... මතකනේ එදා.....

රජා: හහහා... දවසේ කතාව ඕයි!!!

සැලයා ඒ මතක් කලේ, වැලයා විසින් සිදු කලා වූ ශතවර්ශයේ හොදම කතාවය. මැරෙනතුරා ඒ වචන කීපයනම් අපිට අමතක නොවෙනු ඇත. අපි කන්ද මුදුනට යනකොට අනිත් අය බහින්නේය. අපි හොදට ගිමන් හැරලා හිතුසේ පොටෝ ඇල්ලුවෙමු. ගල උඩ දර්ශනය නම් පට්ටය. සුපිරිය. ලොවෙත්ය. හුලං පාරත් පංකාදු පහය. ටික වෙලාවකින් කොහෙදෝ මන්දා ඉදලා ආපු වැස්සක් කඩන් පාත් උනේය. අපි ගලෙන් පල්ලෙහාට බැස්සෙමු. තබ වැස්සේ කුඩ ඉහලගෙන කැමරා තෙමෙන්න නොදී, අපි තෙමි තෙමී වීල් එකට නැග්ගෙමු. 



වැස්සේම නැවතත් ඇදුනේ කලින් කතිකාකර ගත් පරිදි රිදීබැදි ඇල්ල බලන්න යන්නය. ඒ උනාට හෝ ගාලා වහින්නේය. ඒ අස්සේ සැලයා හෙන හයියෙන් යන්නේය. වතුර ආටාව ඇතුලටත් විසිවෙන්නේය. 

රජා: යකෝ හිමින් යමන්...පාර ලෙස්සනවා. 
අනේ මන්දා බං... හිමින් ගියත් මූට බයිනවා. හයියෙන් ගියත් බයිනවා. හි හි හි...

සැලයා: හොද වෙලාවට දැන් එන වීල් වල ෆියුස් එක යට නෙමේ. නැත්තන් වැස්සනම් ඉවරයි...

අපි: එහෙමද?

සැලයා: ඒත් වෙලාවකට මේකත් හිටිනවා...

රජා: කට වහගෙන ඕක එලෝපන්... මග ඉන්න බෑ යකෝ.... 

බයික් එකේ එන්න නොවුනේ වෙලාවටය. නැත්තන් ගෙදර යනකොට තෙමිලාම ජලභීතිකාව හැදිලාය. ටිකක් දුර යනකොට වැස්ස පෑව්වේය. කුරුලු පැටව් එලියට බහින ටයිම් එකය. හෙන ගාලක් අස්සේ හිටපු කුරුල්ලෝ අල්ලන්න වෙල් යායක් දිගේ හිටන් රිංගුවේය. වැඩි වෙලාවක් ගියේ නැත. මේ පැත්තට සුපුරුදු කට්ට කරවෙන අව්ව නොඅඩුව ලැබුනේය. රිදීබැදි ඇල්ල ලගට ඇවිත් සිමෙන්ති කොට්ටේ වගේ බත් එක කෑවෙමු. ටිකක් වෙලා කැරකි කැරකි ඉදලා වේල්ල කිට්ටුවට ගියෙමු. එතනත් පොටෝය.  මේ දවස් වල වැස්ස හින්දා වේල්ලෙන ලස්සනට වතුර වැක්කෙරෙන්නේය. ටිකක් වෙලා ඒක දිහා බලන්හිටපු අපි නැවතත් ගෙදර බලා එන්න ආවෙමු. 





මගදිගට කම්මැලිකම මකන්න හැමෝටම ඇහෙන්න සින්දු දාන්න රජාගේ බටු ෆෝන් එක ස්වේච්ඡාවෙන් ඉදිරිපත් උනේය. සැලයාගේ අටමගල් ආටාවේ සෙට් එකක්වත් නැති එක දුකක්ය. ෆුල් වොලියුම් දුන්නට අතේ තියන් හිටියට ඇහෙන්නේ නැත. විසදුම සරලය. ස්පීකරේ කන ගාවින් තියෙන්න ෆෝන්එක වහලේ අස්සේ ගැසිය යුතුය. 

මෙන්න ක්‍රම

සම්භාව්‍ය පොටෝ ඇල්බමය

...මෙතනින් (රජා)...
සහ
...මෙතනින් (දුලියා)...  


ප/ලි:

යාපහුවේ පඩිපෙල අංශක 70ට හදලා තියෙන්නේ සතුරන්ගෙන් දළදා වහන්සේට වන හානි අවම කරන්නලුනේ.
 
අපි තුන්කට්ටුව ආටාව සමග

රාජ චාරිකා සටහන්

 සුභ වේවා!!! රාජ සම්පත් ලැබේවා!!!

Thursday, November 14, 2013

ඔබත් කමෙන්ට් හිගතාවයෙන් පෙළෙන්නෙක්ද? මෙන්න විසදුම


මේක සිංහල බ්ලොග් කියෝන උන්ට තියෙන හෙනම අවුලක්ය. පෝස්ටුව කියෙව්වට දාන්න කමෙන්ට් එකක් හිතාගන්න බැරි එකය. ඕකට පට්ට විසදුමක් කකාගේ ආදරණීය ඇනෝවෙක් දාලා තිබ්බේය. මේක නග්ගලා ගන්න අත දුන්න දේශකයාටත් තුතිය පිදිය යුතුය. එහෙනං ඒ වටින සුකම කමල කමෙන්ටු සෙට් එක ගෙඩිය පිටින්ම මෙසේය. කෙලින්ම කොපි පේස්ට්ය. එකක් දෙකක් මමත් අතින් දැම්මේය. මතු අවශ්‍යතා සදහා වහාම බුක්මාර්ක් එකක් දාගන්න :D :D

පසුව එමි...
පස්සේ එන්නම් බං..
ලස්සනට ගලාගෙන යනවා...
අප්පොස්සියේ.....
පට්ට නිර්මාණයක්.....
එකෙන්ම ......
සිරා.පට්ට .....
සාර්ථක නිර්මාණයක් කාලීන අදහසක් පෙරටු කරගෙන.......
ඔයාගෙ කවි මම ගොඩක් රස වින්දා....
පහුගිය සති අන්තයේ යාළුවොත් එක්ක පොඩ්ඩක් සෙට් උනාම ඔයාගෙ කවි තමයි අපි රස වින්දේ...... 
උබට ජය!!
ලෝකෙට පරකාසේ ගෙදරට මරගාතේ....
ඇයි බං සින්දු කියන අය මේව දකින් නැත්තේ..??
හිනා වෙන්නෙ නෑ..
අති විශිශ්ඨ නිර්මාණයක් !
හයියෝ...
පට්ට නිර්මාණය මචං
අපේ ශබ්ද කෝෂ අප්ඩේට් කරන්න වෙනවා.
මේ ට්‍රිප් හින්දා අපේ උඹේ නිර්මාණ ශක්තිය ඔප වැටිලා තියන අපුරුව.
 සුපිරි සින්දු පාර.......
පට්ට ආතල් හලෝ...

සුභ වේවා!!! රාජ සම්පත් ලැබේවා!!!
පට්ට පට පට.. 
දැන් රෑ 1යි. 
හිනා වෙනවා යකෝ තනියම...
එළනේ .....
නියමයි ඈ...
කෙටි කවියක් වුණාට ගොඩක් වටිනා msg එකක් .
ලිපිය නම් පට්ට....
හැක හැක හැක ....
තේරෙන්නෑ ඕයි...
මම කිව්වේ මේකා ලෝකයා............ උඹ වගේ අන්ඩපාලයෙක් වෙන නැහැ අයියේ..
රාජ කුමාරියක් මං...
හි හි....හි හි....හි හි...
යම් යම් පරස්පරතා තිබුණත් මේ ලිපියේ සමස්ථය හා එකඟයි....
 හැක හැක.....
මරු බං ......
අම්මට උඩු....
හපොයි ....
හහ්!...හහ්!...
+++++++
හෙහෙ හෙහ් ...
හැකිස්...
හරිම ශෝක්.....
මට ඇඩුන බං.......
ජය වේවා ....
හරිම නිර්මාණශීලීයි!
නියමයි බං නිර්මාණය....
හෝහ් හෝහ් හෝ....
පව් නෙහ්?
හි හි....හි හි....හි හි....හි හි...
පස්ටයි මචං..
එළකිරි......
එල කිරි නිර්මානේ බං...
නියමයි නියමයි !
තාත්වික විදියට ලියල තියෙනව......
මේකෙ වචන ගලාගෙන යන ආකාරය විශිෂ්ඨයි......
නියමයි මචං...
බ්ලොග් අවකාශයේ බොහොම නිර්මාණාත්මක ලියවිලි කරන බ්ලොග් කරුවෙකුගේ පීල්ලට උඹ වැටිලා තියෙන්නෙ.....
කියන්න බැරි තරම් පට්ටයි.. කොහොමත් උඹ නිර්මාණශීලී පොරක්..
අදත් බොක්කටම වදින්න ලියලා තියෙනව....
ඉදිරිපත් කරලා තියන ආකාරය නම් නියමයි....
සුපිරි!
නිර්මාණශීලී ගුණය අගය කරන්න ඕනෙ.
මට නැති හැකියාව ඔබට තිබීම ගැන මම සතුටු වෙනවා...
 ගොඩක් වටින පෝස්ට් එකක්.....
හොඳ වැඩක් කකා කරලා තියෙන්නේ..............
හි හි ඔව් කීවා හරි ,,
ඔන්න කකාගෙන් මගේ පොස්ටුවට link එකක් ලැබිල තියනව.බොහොම ස්තුතිය්..
ග්‍රේට් මචන් ...!
තැන්කුයි වෙවා.
සෑහෙන්න වටිනවා..
ලිපිය අගේ කරනවා...
වටින උපදෙස් ටිකක්!
එල එල කකා... නියම වැදගත්, එලම පෝස්ට් එකක්....
ගොඩක් හොද පෝස්ට් එකක්.මේ දේවල් වලින් අපිව දැනුවත් කිරීම ගැන ඔබට ස්තූතිය..
ඉතාමත් කාලීන වගේම වැදගත් ලිපියක්.
එකෙන්ම එළ..
අම්මට හුඩු ...
අම්මා සතුටුයි අය්යේ.. දිගටම ලියපන්...
කිව්වොත් ටාර් ගාලා ඒක නිහතමානීව අහන්න තරම් උඹ පොරක්... මම නම් පොරක් කියන්නේ අන්න එහෙම අයට අය්යේ...
මන් දැක්ක හොඳ බුලට් එකක් තමයි උඹ...
ලියලා තියෙන්නේ අපූරුවට....හැක් හැක් 
බොක්කෙන් සුබ පැතුම් මචන්.....
හප්පට සිරි තන්තෝසේ බැරුවා....
එල එල එල එලම තමයි !!!!!
එළස්..
කියවන්න කලින්ම ඔන්න නියමයි ඈ... කියවල එන්නම්...
මේක යුගයේ අවශ්‍යතාවක්......
රම්පෙට පොරි පොකුරු පොකුරු...
හම්මේ ලොවෙත් නෑ...
ජයවේවා...!
අප්පට සිලි...අම්මට උඩු....
අඩෝ.....සතුටුයි මල්ලි.....
හි හි....හි හි....හි හි....හි හි....
වරේවා කකා.. එලස්..
 අන්න උඔටත් මට හිතුන දේම හිතිලා
++++++++++
()*^&%&
පට්ට පට පට
සුපිරි
මරු බං
පට්ට
මල් හතයි ඈ
ෂා අදනම් දැනෙන්නම ලියලා තියෙනවා
නියම පෝස්ට් එකක්
එක හුස්මට කියවගෙන ගියා.
ඇයි අවුල්ද
හිහ්
මාර රසයි බං

දිගටම ඔහොම ලියහන්. අපි කියවන්න එනවා, අද ලිපිය නම් මරු , 
නොදන්න දේවල් ගොඩක් ඉගෙන ගත්තා, මේ ලිපිය නම් දැනුම සාගරයක්.
ජය
ජය වේවා!
Jayavewa
හුකැස්
හික්ස්...
මගේ පංතියේ මං විතරයි
හුකැස්
හයියෝ සල්ලි
ලොල්
ලොල් ම තමා
ලොලේ ලොල්
එළ
එළ ඈ!
එළ කතා.....
හි හි හි.....
කියෙව්ව ඔන්න.....
ෆස්ටය....
මරු ....
ලොල් ....
ආතල්
චී මෙයා ලියන ඒවා
හක්
එකෙන්ම
එල හලෝ
හොක් හොක්...!!
මරු බං..!
වැඩ වැඩ වැඩ..
ඔබ හරි
කොමන්ට් කළ සැමට ස්තූතියි
බෙදා ගැනීමට ස්තුතියි!
එක හුස්මටම කියවගෙන ගියා
මට හිනාව වාවගන්න බැරිඋනා
හිනා වෙලා ඉල ඇදෙනවා
මට කට උත්තර නැතුව ගියා
සාහිත්‍යය රස බේරෙනවා.
පුග්, පුක්
කිසිම දෙයක් මම නොකියමි.
ඒකත් එහෙමද
මම අද එක ද ?
ඔන්න අද මම එක
හුරේ.. මම එක
මම එක ද මන්දා...?
ලොවෙත් නෑ
ලොවෙත් නෑ ලොවි ගහෙත් නෑ
සිරා පෝස්ටුව
මාර රහයි
ගති
මට ඇඩෙන්න වගේ
තනි ඇහැට ඇඩෙනවා
හොදට ලියල තියෙනව
විලි හැත්තෑවයි යකෝ
ඊයා....
ඈක්කා...
ලැජ්ජා නැද්ද බොල මේවා ලියන්න
 මේකට තදිං හිනා යනවා...
වදින තැනට වදින්නම ලියලා තියෙනවා
ඔයානම් මාරයි අනේ
නෙදකිං...
හම්මේ අදට ඇති බං...
මැරෙනවා යකෝ හිනාවෙලා...
  සුභ වේවා!!! රාජ සම්පත් ලැබේවා!!!