සයිබර් මලකෙලිය - Cyber Festival 2013

බ්ලොග් ලියන උන්ගේ අවුරුදු උත්සවේට යන්න අපි පුල පුලා මූණ බිම ඔබා බලන් සිටියෙමු. දවස උදා විය. මහ පාන්දර 6 විතර නැගිටගත් රජා කෙලීන්ම ආවේ නිට්ටඹුවටය. හොදට ෂපාන් එකේ කොළඹ බස් එකක ඉදගත්තෙමි. ඉරිදා හින්දා වැඩිය සෙනගත් නැත. උදේ පාන්දරම ආතල් එක දුන්නේ බස් එකේ කොන්දා සහ ඩයිවරයාය. බස් එකේ සෙනග නැති හින්දා කොන්දා කෑගහන්නේය. ඒකත් අළුත්ම විදිහකටය. 

ආ එන්න...කොළඹ කොළඹ කොළඹේ..... 

වචන ටික අවුලක් නැති උනාට මූ ඕක කියන්නේ පස්ස නලෝ නලෝය.  අර PSY ගේ ජෙන්ටල්මන් එකේ වගේය. මං හිතන්නේ ඌ උදේ පාන්දර  ඉනට එක්සයිස් දෙනවා විය යුතුය. එක්කෝ පට්ට බොකක් සෙට් වෙලාය. බස් ටෑන්ඩ් එකේ තුන්මන් හන්දියේ කකුල කොර ගගහ ආපු බල්ලෙක් තඩි බොකක් බෑවේය. වාසනාවට වගේ මම එය දැක්කේය. අද දවසම සුභ වෙන බව හීනෙන් වගේ මට තේරුනේ එතකොටය. ඩයිවරයා බෙට්ට වගේ බස් එක කැරකෙව්ව විදිහ මාරම ලස්සනය. බෙට්ටට කිසිදු හානියක් නැත.

කොටුවට එනකොට දැකලා පුරුදු එකෙක් වටපිට බල බල කැරකෙන්නේය. අඩේ අප්පේ....කොට නාඩියාය. 

රජා: අඩො....

නාඩියා: අම්මට සිරි...උඹ තනියමද ආවේ.

රජා: නෑ බං මේ කෙල්ලෙක් ඉන්නවා කිව්වා....

නාඩි: මේ මමත් එකක් එක්කන් ආවා බං...හොයාගන්න බැරුව ඉන්නේ...

නාඩි: කෝල් කරමින්.... කොටුවේ ටී අකුර යටට එන්න ඈ...

මම අර ගෑල්ලමයට කතා කලෙමි. එයා නම් ඈත එනවා පෙනුනි.

රජා: ආ එනවා....

නාඩියා: අනිකත් පිටිපස්සෙන් එනවද කොහෙද....

වෙනදා වගේම ගවේෂකයා පරක්කුය. කොටුවෙන් යනකොටත් 9ට කිට්ටුය. 138 ඇවිල්ලා හොයාගෙන හොයාගෙන එනකොට 9.30ට විතර ඇතිය. ඇතුලට ආපු ගමන් බනියා සෙට් උනේය. පඩි ටික බැහැගෙන බැහැගෙන එනකොට  රාජ් අයියා රජාව ඇදගෙන ආවේය තව පොඩ්ඩෙන් හොම්බ කට සමතලා වෙන්නේය. ඒ ඇදගෙන යෑම අස්සේ ඇස් දෙක වික්ෂිප්ත කල දර්ශනයකි. රෙඩ් බුල් අක්කලා දෙන්නා නම් ලොවෙත්ය. රෙඩ් බුල් එක ගහන්නත් කලින් මට තටු ආවේය. සුදීක අයියේ........ෆිට් තමා ඈ ;)

උදේ පාන්දරම ශම්මියා, සමියා, නිශානයා, නොහික්මුණ එකා, නලීන් අයියා එහෙම බැහැලා වැඩය. ආයේ මොකටද කරදර කරන්නේ. අපි පැත්තකට වෙලා හිටියෙමු. කොඩි උස්සලා එහෙම වැඩ ආරම්භ උනේය. ඒ අස්සේ කරන්ට් එකත් නැතිය. ටික වෙලාවක් යනකං බස් එකේ උන්ගෙන් බේරිලා හිටියද කවුදෝ එකෙක් කරන්ට් එක හොයාගැනීමත් සමගම වැඩේ දෙල් විය. අයිසා, නීනු අපේ කන් කෑවේය. 

බනිස් කෑමේ තරගයත් පුල් ආතල්ය. සුපිරිම එක දුන්නේ මාරයා සමග සමියාය. උන් දෙන්නා අතින් අල්ල අල්ල බනිස් ගෙඩි දෙක තුනක්ම කෑවේය. අතින් අල්ලන්න එපා කියන උන්ට මාරයා තර්ජනය කලේය. සමියා නම් බුදියගෙනත් කෑවේය. ඉතුරු වෙච්ච බනිස් තුනකට රජා වගකිව්වේය. ඇයි බං....සල්ලි දීලත් ඇවිල්ලා බඩිගින්නේ ඉන්නේ මොකටද නේ?

තරග වලට මොනා උනාද දන්නෙත් නැත. ටික වෙලාවකික් කට්ටිය පිට්ටනිය මැද්දේ සුකුරුත්තන් ඩාන්ස් දමන්න ගත්තේය. රජා බිම ඉදගෙනම පොටෝ අල්ලන්න ගත්තේය. අනේ අම්මේ....අර කෙට්ටු ගෑණු ළමයා ඉන සුග ඇඹරුව ඇඹරිල්ලට මම නං හිතුවේ ඉන ජොයින්ට් එකෙන් ගලෝලා නුගේගොඩ දිහාට විසිවෙයි කියලාමය. ඒ අස්සේ  කවුදෝ එකෙක් ඈත ඉදන් දුවගෙන එන්නේය. සෙනග අස්සෙන් රිංගගෙන පණ කඩාගෙන ආවේය. අම්මට සිරි....මේ අපේ මාරයියාය. 

මාරයා: මේවා බලන්නැතුව වෙන මොනා බලන්නද බං...

රජා: අනිවා අනිවා....අර පේන්නැද්ද...

එකෙක් දර්ශන පථය අවහිර කලේය.

මාරයා: පින්වත පොඩ්ඩක් අයින් වෙනවද අපිට මේක බලන්න.

තව මොනවද විකාරෙන් වගේ කියෙව්වද මට මතක නැත. අර කෙට්ටු අක්කා නාඩියා එක්ක නැටුවේය. මමනං හිතුවෙම නාඩියාට ගැහුවම තමා කියලාය. නාඩියා බයෙන් වගේ අත පය විසිකරනවා අපි දැක්කෙමු.

ඒ අස්සේ තරියා රජා සහ අනිත් සෙට් එක පොටෝවකට පෙනී සිටින අතරම තරියාගේ කේරල දේශයෙන් ගෙනා සරම උස්සා කක්කි පැත්තම පෙනෙන සේ පොටෝවක් එකෙක් ගැසුවේය ඒ අලකලංචි අස්සේ ගවේෂකී, සහ ශෝනා කෙල්ලගේ පොටෝ ගහන්නට ගොස් රජා ඉල්ලගෙන, ගාගෙන, නාලා, කාලා, වමාරලා, ඒවත් කාලා, ආයේ නාලා, ටොයිලට් ගිහින්, දාලා, ආයේ ඒවා කාලා, වමාරලා ආයෙත් කාපු සීන් එකක් ගියේය. උන්ගේ හෑන්ඩ් බෑග් එල්ලා ගත් රජා ටක් ගාලා පොටෝවක් ගැහුවේ අනිත් උන් දකින්න කලින්ය. අනේ හත්තිලව්වේ......ඒ තප්පර දෙකට සීන් එක ලීක් වෙලාය. 

මං මටම මඩ ගහගැනීම

රජා නං හිටියේ කිරි කෑමේ තරගයට විතරමය. ඒකත් යෝගට් එක කන්න ඔනේ නිසාමය. අර කෙල්ලට හිමින් කවපන් දිනන්න ඕනේ නෑ...මට කන්නයි ඕනේ කිව්වම මගෙ ඇග පුරා හලමින් කැව්වා කියහන්කෝ. මට ඇඩුනේය. අයියෝ ඩෙනිමය. 

ජන ගී ගායනා තරගය නම් ෆුල්ම ෆන්ය. බුරිය ඉදිමෙනකන් හිනා උනෙමු. ඔක්කොටම වඩා සෙට් වෙන්නේ ඕනයාගේ කමෙන්ට්ස්ය. නැගලම ගිය සින්දුව කිව්වේ නෙරන්ජි අක්කාය. කට්ටිය ජන ගීයට නැටුවෝය. සින්දුව අවසානයේ උශානයාද කොහෙද පඩිපෙලේ ඔලුව ගහගන්නවා හැමෝම දැක්කේය. අර කැඩිච්ච පෙට්ටියක් අරන් ඇවිල් විරිදු සින්දුවත් ලොවෙත්ය. උමාගේ පාරු කවිය අස්සේ සමහරු ඔරු පැද්දේය. උමා අක්කට දුන්න කමෙන්ට්ස් ටික කෝමද? 

තව පද 4ක් තිබ්බනං ඔඩොක්කුවේ...

ඔයාට කඩේ යවන්න පුළුවන්...හොද හැකියාවක් තියෙනවා. (ඒ ඒවා වීඩියෝ කරපු උන් දාපල්ලා.........)

සිරාවටම සිරාම සිරා දවස ඈ....පට්ට ආතල්.

බුකියේ රාජ පොටෝ ඇල්බමය

මෙතනින්

ප/ලි: 

අපිට දැන් මඩ වැදිලා ඉවරයි.........වෙන වෙන්න දෙයක් නෑ. අනිත් උන්ටත් ගහමු නේ?

කතා කරන මඩ පොටෝ මේ පාරත් මමම කරන්නද?????????

සුභ වේවා!!! රාජ සම්පත් ලැබේවා!!!

මතක් වෙන සිද්දි, පොටෝ තව තව අප්ඩේට් වනු ඇත...

  

Watch This,

කතා කරන මඩ පොටෝ - සිහින උළෙල 2013