අවුරුදු ෆන් ඇරඹේ - Happy New Year 2013

මේ අවුරුදු රාලේ....

තෙල් ඉහිරුණු කාලේ....

සිනහා වෙයන් කැවුම් ගෙඩිය වාගේ....

එඒ...

අ අ අ අ අ ආ....

හැමදාම ඇහෙන සිංදුව පොඩ්ඩක් වෙනස් කරලා කිව්වාට අවුලක් නැත. අළුත් දේ නොහිතන ජාතියට උදේට නගින්නේ නෑලුය. එහෙයින් සෑම සබ්බසකලමනාවක්ම අළුත් ආරකට සිතන්නට මේ අළුත් අවුරුද්දේ පුරුදු විය යුතුය. 

සෑම අවුරුදු දවසකටම වාගේ දවස ගෙවෙන්නේ එකම ෂෙඩූල් එකකටය. 

1. උදේම නැකත් චාරිත්‍ර ඉටුකිරීම

2. පියතුමාගේ හා මව්තුමියගේ දෙමාපියන් හමුව

3. පියතුමාගේ බාප්පාගේ ගෙදර යෑම

4. හවස තව කොහෙහරි යෑම

මෙවරත් සුපුරුදු පරිදිමය. මේ බාප්පා සීයගේ ගෙදර ගිහින් ආවා විතරය. එහෙ පොඩි එකා දුන්න ආතල් එක අමතක වෙන්න කලින් ලියලා තැබිය යුතුය. නැත්තන් පොඩ්ඩ පොඩ්ඩ නමද්දි දවස් දෙක තුනකට කලින් වෙච්ච සීන් කොහොමත් පාෂාණභූතව නිධන් ගත වී යන්නේය. බාගවෙලාවට ඒකටම අරක්ගත් බහිරවයෝද උපදින්නේ ආයේ මලත් ඒවා නම් මතක් නොවන පරිද්දෙන්ය. 

මේ පාර උදේම බඩ පැලෙන්න කා බාප්පා සීයලෑ ගෙදර යනකොට වෙලාව 10.30ට විතරය. සීයගේ දෙවනි දුවගේ පොඩි එකා දැන් ටිකක් ලොකු වෙලාය. දත් එහෙම ඇවිල්ලා හෙන වසවර්තියා වෙලාය. රජා කොහොමත් පොඩි ගෑල්ලමයින්ට කැමතිම නැත. අනේ අම්මේ....උන්ගේ තියන පඩි ටෝක්. වෙලාවකට මට උන් ඉන්න තැන පොළව පලාගෙන පලාගෙන යන්න හිතෙන්නේය. අපි යනකොට මල්ලිකාරයා කැටේකුත් බදාගෙන හෙන වැඩක්ය. අපිව දැක්කා විතරයි මිනිහට මාර හැපියක් ගියේය.

මල්ලි: චූටි මාමී..........මී මයේ කැටේ........මිනිහා කැටයක් පෙන්නමින් කීවේය.

උදේ පාන්දරම ලා.....වට පොඩ්ඩක් නමලා හිටපු සීයා කටහඩ අවදි කලේය. 

සීයා: අනේ තියාගන්නවා තමුසෙගෙ ඇටේ.....අපි දැකලා නෑනේ....

අම්බෝ....මට බකස් ගා හිනා ගියේය. මලයා ෆුල් හින්දුස්ථාන් වෙලා අපි දිහා බලාගෙනය. දැන් මලයට හෙන රථගායකුත් ඉහට ගහලාද කොහෙදය. අපි ආපු වෙලාවේ ඉදන් කාර් එකේ රවුමක් යන් කියනවාය. 

මලයා: චූටි මාමී......උයාලා මුකේද ආවේ.....

පියතුමා: කාර් එකේනේ ආවේ....

මලයා: අපි සවුමක් යමුකෝ......

පියතුමා: ආ....යමු....

තාත්තා පොඩි එකාගේ අතින් අල්ලාගෙන මිදුලට ආවේය. මෙන්න පොඩි උන් දෙන්නා අත් අල්ලගෙන රවුමට කැරකෙන්නේය. මමත් නිකන් තෝන්තු වෙලා ඒ දිහා බලාගෙනය. 

මලයා: අනි අපි සවුමක් යමුකෝ.......

පියතුමා: හරි හරි ඉතින් මේ රවුමට තමා යන්නේ....

හයියෝ රතිඤ්ඤා....මටත් සීන් එක මීටර් උනේ එතකොටය. මිනිහාගෙන් බේරිල්ලක් නම් හම්බුනේ නැත. අන්තිමට රජාට සිද්ධ උනේ යුවරජා සමග මේ වසවර්තියාව දාගෙන කාර් එකේ පොඩි ටුවර් එකක් යාමටය. 

රජා: හා හා අපි දෙන්නා යමු ඈ...

මලයා: හා.........

හා කියපු එකා පණ කඩාගෙන ගේ ඇතුලට දිව්වේය. මූට මොකාද මේ අළුත් අවුරුද්දේ වැහුන යක්ෂයා? මමත් පොඩි ෆලෝ පාරක් දැම්මෙමි. අනේ.....සංසාර සාගරේ පාවෙන රුවල් නෞකාවේ කොඩි ගස....මිනිහා බඩ ගාගෙන අම්මට වදින්නේය. 

මලයා: අපි සවුමක් ගීල්ලා එන්නං....

නැන්දා: හා ඈ.....

ෂෙහ්...කියන පමාවෙන් ඩයල් එක වාහනේ ඇතුලෙය. සමහර විට මේ කොල්ලා යන අවසාන චාරිකාව වෙන්නට ඇතැයි සිතන්නට ඇත. මන්ද එලවන්නේ රජාය. ඒ මලයව් අස්සේ මූ මට එලෝන හැටිත් උගන්නන්නේය. 

මලයා: අනී...හිමින් යන්කෝ..... මට පාල පේල්ලෑ....

පස්සේ රජා ආවේ පුට්සයිකල් පදින වේගෙන්ය. අම්මට සිරි...ගෙදරට  ඇවිල්ලා මුගේ හෙනම ලයින්ය. 

නැන්දා: බබා කොහෙද ගියේ....?

මලයා.... අපි ගියා ලොකූ..........සවුමක්!

මේ යක්ස පැටියා රජාටයි යුවරජාටයි දුන්නේ පුදුම වදයක්ය. රජාගේ කකුල් දෙක උඩ ඔන්චිලි පද්දලා මගෙ කකුල් දෙක දැන් නෑ වගේය. ඒ මදිවට වත්තේ ගහේ තිබිච්ච කාමරන්ග කකා මගේ කිරි කිරි ටොයි ඩෙනිමේ ගෑවේය. අනේ මල්ලියෝ.....මේ ඩෙනිම හෝදන්නේ මාසෙකට සැරයයි කුණු ගාන්න එපා කිව්වට මූ කනකටවත් ගත්තේ නැත. ඒ මදිවට දවල්ට කෑවට පස්සේ අයිස්ක්‍රීමුත් හැලුවේ කිසිදු අනුකම්පාවකින් තොරවමය. 

කොහොම හරි රජා මාලිගාවට එද්දි වෙලාව 1ය. අද Wrestlemania 2013 ටීවී එකේ පෙන්නන දවසය. උදේ 11 ෂෝ එක මිස් විය. අවුලක් නැත. රෑ 9.30ට ආයෙත් ෂෝ එක යන්නේය. අද රෑ නම් ගෙයින් අඩියක් හොල්ලන්නේ මේ රජා නොවේය. මගෙ සපෝට් එකට යුවරජ සමග පියරජ සිටින්නේය. හික් හික්.....දැන් ඉතින් මව්තුමියට වෙන්නෙත් මූණ ඇඹුල් කරගෙන රෙස්ලින් බලන්නය. 

ප/ලි:

ඔබ සැමට කිරියෙන් පැණියෙන් ඉතිරෙන, පැණි කාලා දියවැඩියාවම හැදෙන, තෙල් කාලා කුරුලෑ වැඩිවෙන, වැස්සට තෙමිලා හෙම්බිරිස්සාව හැදෙන, හැමතැනින්ම කාලා බඩේ අමාරුව හැදෙන, අයිස්ක්‍රීම් කාලා කැස්ස වැඩිවෙන, ඔන්චිල්ලාවෙන් වැටිලා කොන්ද කැඩෙන, බීලා බීලා පිත්තාශය පුපුරන, කුකුල් මස් ම කාලා බිත්තර මලපහ වෙන ෂුභම ෂුභ අළුත් අවුරුද්දක් වේවා!!!

සුභ වේවා!!! රාජ සම්පත් ලැබේවා!!!