අතිශයින්ම විවාහක කාන්තාවන්ට පමණයි (අනිත් අයත් කියෙව්වට කම් නැත) - Strictly for Married Women

බැන්දත් නැතත් ගෑණු ගෑණුමය. ආයේ ඉතින් ඕක බැන්දා කියලා වෙනස් වෙන්නෙත් නැත. ඕන්නං පොඩ්ඩක් මහත් වෙලා ලොකු වෙවිය. ඒත් හිත නම් ඒකමය. මේ ඊයේ පෙරේදා රට හිටපු රජාගේ යාළු අයියා කෙනෙක් අපේ මාලිගාවට ආවේය. දැන් එයා බැදලත්ය. ලංකාවේ එක්කෙනෙක් නොව ඉන්දියාවේ අක්කෙක්ය. අපේ මව්තුමිය එහෙම කියන ඒවා ඒ අක්කාට තේරෙන්නේ නැත. කඩ්ඩ පමණය.

ඒ සිදුවීම් මාලාව එසේ නිමාවිය. සිරාවටම නැන්දම්මා - ලේලි ප්‍රශ්නයෙන් මිදීමට හොදම විසදුම නම් රට කෙල්ලෙක් බැදගැනීමය. වලි නැත. ප්‍රශ්න නැත. එයා කියන එක මෙයාටත්, මෙයා කියන එක එයාටත් තේරෙන්නේ නැත. රට කිව්වට යුරෝපීය කෑලි නම් සෙට් වෙන්නේ නැත. ආසියානු කෑල්ලක් දා ගත යුතුය. තායිලන්ඩ්, ඉන්දියන්, සිංගප්පූර්, ජපන් වගේ ඒවා හොදය. උන් පවුල කියන එකට මාර විදිහට ගරු කරන්නේය. 

රජා මේවා දන්නේ කොහොමද? හික් හික්....රාජ්‍ය රහසක් දැන් හෙලි වෙන්නේය. තායිලන්ත ලලනාවන් සෙට් එකක් රජා එනකන් මග බලාගෙන සිටින්නේය. වෙන මොකටවත් නෙමේය. ස්කයිප් එකෙන් හදුනාගත් මිතුදම ශක්තිමත් කරගැනීමටය. අතිශය රිම් එකෙන් දුවන ආර්ථිකය මත රජා හිදී ඇත. ට්‍රේනින් එකේ පඩිය දැන් ටික ටික අවසන් වීමත් සමග ටුවර් එක පස්ස ගහන්නේය.

කියන්න ආවේ වෙන එකක්ය. මොනාහරි කියන්න ගිහාම පදුර වටේ තලන එක දැන් මටත් බෝවෙලාද කොහෙදය. අපේ මාලිගාව හරියෙම එක පවුලකි. නිකටම වගේ මහත්තයාගෙ නම ලීලසේනත්, නෝනගෙ නම සිරියාවතී කියලත් හිතමු. ලීලේ ගොයියා හැමදාම වගේ හවසට කන සාක්කුවට පොඩ්ඩක් උඩට වෙන්න දාගෙන එන ඩයල් එකක්ය. ෂොට් එක දාගන්නෙත් කචල් ෆැන්ටා (වෙල් ෆැන්ටා) ගහලාය. මූ ඉතින් සිරාම ආතල් ඩයල් එකක්ය. වෙරිය තිබ්බට කෙලින්නෙම ආතල්ය. කුණුහරප නැත. සින්දු පමණය.

පොලීසියට ඔත්තුවක්

ලීලෙට වෙරිය වැඩිම උනාම හැමදාම කරන වැඩක් ඇත. ඒ ගෙදරට ඇවිල්ලා දොරට තට්ටු කරලා දොර ඇරෙනකන් බලා ඉදීමය. සිරායාවතී නැන්දා දොර ඇරපු ගමන් අතේ තිබ්බේ මොනවද, මූ ඔක්කොම ටික මැණිකේ...... කියලා කෑගහමින් උඩ වීසිකරන්නේය. දවසක් රෑට කන්න ගෙනාපු ඉදිආප්ප මුලය. ළගම තිබ්බ කඩෙන් ගෙනාපු හින්දා කවරෙකවත් දාගෙන ඇවිල්ලා නැත. එදා නැන්දා දොර ඇරපු ගමන් මූ ඉදිආප්ප මුල උඩ දැම්මේය. ඉදිආප්ප සී සී කඩය. සම්බෝල ටික වැලි වලට මුසුවුනේය. 

සිරියාවතී නැන්දාට මලම පැන්නේය. විසිවුන ඉදිආප්ප අහුලාගත් නැන්දා අමුවෙන්ම ඉදිආප්ප ලීලයගේ කටේ එඹුවේය. ලීලයා මර ලතෝනි දුන්නේය. මේ ගෑණි මාව මරන්න හදනෝ..........බෙරිහන් දුන්න සද්දෙට ගමේ සෙට් එකම ලීලයාගේ වත්තේය. හයියෝ පොල් සම්බල්ස්ය. අර නිකන් හින්දි ෆිල්ම් එකක වගේ ලීලයාව බිත්තියකට හේත්තු කරගෙන නැන්දා ඉදිආප්ප කටේ ඔබන්නේය. අනේ පව් ලීලයා...ඉදි ආප්ප කෙදි කට දෙපැත්තෙන් වැක්කෙරෙද්දි අපි දිහා බලාගෙන හිටියේය. 

ගමේ කට්ටිය එකතු වෙලා සිරියාවතී නැන්දව ඇදලා  අහකට ගත්තේය. නැන්දා වෙනදට ඔහොම නැත. හරිම හොදය. ඒත් අද නම් මලම පැනලාය. ඇයි යකෝ රෑට කන්න ගෙනාපු ටිකනේ අරූ උඩ දැම්මේ. ඒත් ඉතින් ලීලෙ මාමට කරපු දේ හොද නෑ කියලා ගමේ උන් නැන්දට දොස්මුර නැගුවෝය. 

මන්ද....

වෙරිකාරයොත් මනුස්සයෝය ^_^

ප/ලි:

මේ වගේ ඒවා කරන හබියන්ට කලයුත්තේ මෙය නොවේය. මෙන්න මේකය. රජා දැන් මේක ලියලා ඉවරවෙලා කෙලින්ම යන්නේ සිරියාවතී නැන්දා හම්බෙන්නය. ඒ මේ වීඩියෝව පෙන්නන්නය. පෙරේදා අර වසවර්ති කෙලීගෙන් කාපු නියපොතු පාරවල් තාමත් තියෙන්නේය. අර කොසු පාරක්වත් කන්න බලාගෙන අධිෂ්ඨානයෙන් අභීතව අරමුණ කර රජා ඇදෙන්නේය.

Heart Attack Warning 

සිනහවීම පාලනය කරගත නොහැකි අය මෙය නැරඹීමෙන් වලකින්න.

සුභ වේවා!!! රාජ සම්පත් ලැබේවා!!!