ඇන්නෝ........මට ඇන්නෝ!!! - OoOh Shit!!!!

එදා රජට කැම්පස් නිවාඩු දවසක් විය. ගෙදරට වී කරන්න දෙයක්ද නැත. බෆලොස් ලා කිහිප දෙනෙක් ෆලෝ කරන බොගයක් තියෙන්නේ වෙලාවටය. හිමිදිරි පාන්දර 9 ට පමණ මට අවදිවිය. කවුරුවත්  වෙනදා මෙන් ඇහැරෙව්වේ නැත. ජනේලයෙන් කාමරේට කඩන් වදින දැඩි හිරු රැස් කෙලින්ම මගේ හපුටු  මුහුණ මත ආලෝකයේ වේගයෙන්  පතිත විය. හිල් වෙච්ච නෙට් එක සහ  කුඩාරම් සරම අකුලා ගත් මම සුපුරුදු පරිදි මුහුණ කට දොවා ගන්නට ගියෙමි. වෙනදා මෙන් සීතල නැත. පංකාදු උණු වතුර ටිකය. මව්තුමිය මලයා ඉස්කොලේ යන වෙලාවට හදා තිබු කිරි එක ඇස දෙක වහගෙන එක උගුරට ගැහුවෙමි. එය රස කර කර බොන්නට ගියා නම් බොන්න වෙන්නේ නැත. ඇල් වතුර ඊට වඩා රස්නෙය. ඒ මදිවට සම්පුර්ණ යොදය සහිත කිරි පිටි වලින් හදලා තිබුනයෙන් යොදය ගුරු පාටට උඩ පාවෙයි. 

බොගේට එන්න කලින් ටීවී එක පොඩ්ඩක් දමා බැලුවෙමි. බලන්නට දෙයක් ඇත්තෙම නැත. එකක මිල්ෆ් යුවතියන් ඇදුම් මහයි, එකක ග්‍රැනී ආච්චිලා කෑම පිහියි, තවකෙක ටීනේජෙර්ස් ලා මුනේ මොනවද අතුල්ලයි, බලන් ගිහාම ලංකාවත් ඇමෙරිකාව වෙලාය (නෝටි ලංකා - අඩෝ එකත් පට්ට වචනේ නේ? පටන් ගන්න ඕනේ සයිට් එකක්)

එකේ බලන්නට දෙයක් නැත. උදේ පාන්දර කාටුන් බැලිය නොහැක. ඒවා ඇත්තේ හවසට නිදහසේ බැලීමටය. (Pink Panther, Scooby Doo, Tom and Jerry, Ben 10 රජාගේ සිත ගත් කාටුන්ය) කෙලින්ම ආවේ හැලපය ළඟටය. දිග හැරියෙමි. මේල් බොක්ස් එකට ගියෙමි. හත්වලාමය....... කලින් දවසේ දාපු වලත්ත පොස්ට් එකට කට්ටිය මට හොඳටම බැනලාය. මමත් අතයි කටයි හදාගෙන ආපසු බැනීම අරම්භ කලෙමි. බැන බැන ඉන්නකොට ලොරියක් ගේ ඉස්සරහ නවත්තනවා මට ඇසුනි. 

මාත්තියා.......මාත්තියා.....

හරිය.... මේ ඇවිල්ල තියෙන්නේ තැබිලි කඩන සෙට් එකය. මම ටිකක් එලිය බැස බැලුවෙමි. වෙනදාට හතරක් එන මුන් අද තුනය. ඒ මදිවට තව අලුත් දෙමළෙකුත් එක්කන් ඇවිල්ලාය. අම්බෝ උගේ කළු... මුණ දැක්ක මට නිකන් මොකද්ද උනි. (රජා උනත් මහසෝනට බයයි මෙයාලා) 

අපේ ඒරියා එකෙන්ම රන් තැබිලි තියෙන්නේ අපේ වත්ත පල්ලෙහා ගහේ විතරය. රන් තැබිලි හා ගොන් තැබිලි හදුනා ගැනීමට අපේ කට්ටිය දන්නවා යයි සිතමි. දන්නේ නැත්තම් මෙසේය. රන් තැබිලි වල අර උඩ තොප්පිය වගේ එක ගැලෙව්වහම උඩ රෝසම රෝස පාටය. දෙමළා උනත් උඩ කළු ඒවාට වඩා උඩ රෝස පාට ඒවාට කැමතිය. 

අපේ පියතුමන් සමග වෙනදා එන දෙමළෙක් වත්ත පල්ලෙහට ගියේ පැහිච්ච වල්ලක් තිබෙදි බැලීමටය. උන්ගේ වෙලාවය. හෙන ගහන්ඩ පැහුණු තැබිලි වල්ලක් ගහේය. ගෙඩිත් 15 -20 ක් තිබුණි. සිත සතුටින් පැණි හිනාවක් ගෙන ඌ නැවත ගේ පැත්තට පියමැන්නේය. අලුත් දෙමළා කොල්ලට මොනවදෝ දෙමලෙන් කිව්වේය. කොලුවා පිහියයි, ලනුවයි අරගෙන වැඩකරු වගේ වත්ත පල්ලෙහට ගියේය. අනික් දෙන්නා පියානෝ සමග මොකද්ද බර කතාවකය. මටත් ඕවට කන් දෙන්න වෙලාවක් නැත. මම නැවත හැලපය දෙසට ආවෙමි. කමෙන්ටු දාන්න පටන් ගත්තෙමි. ලස්සනට බනිමි. එක්වරම.....

බුදු අම්බෝ...................(ඇත්තටම බුදු අම්බෝ නෙමේ....මොකද්ද මන්දා එකක් ඇහුනේ...)

මගේ ඇගිලි ටිකත් අක්වරම යතුරු පුවරුව හරහා විසි උනි. ටයිප් වෙලා තිබ්බේ කුණුහබ්බයකි. 

කෑගැහුවේ මොකාද බලන්න මම මාලිගාව පිටි පස්සට දිව්වෙමි. වත්ත පල්ලෙහින් කළු මහසෝනා දාඩිය පෙර ගෙන දිව එයි. 

එන්ගල !@#$@#%#$^%$&%& ටින් #@%$% කන්  ෂින් ගල සාප්ප #@%$#$# ( හරි හරි... මු කිව්වේ මුට මොකෙද්ද ඇන්න කියාය)

අනික් උන් මු ගෙන මොනවදෝ ඇහුවෝය. උත්තර ලැබුණි. මුට දෙබරෙක් ඇන ඇත.

මාත්තිය... හොද පුවක් ගෙඩියක් දෙන්න මහ දෙමළා ඉල්ලුවේය. පුවකේ ලැබුණි. මු එහි ලෙල්ලේ ඉස්ම මිරිකා අර මහසෝන් කොලුවාගේ ඇන්න තැන ගෑවේය.

අශූ ........#@$@##@5 ශේන්න @%$^&* ( රිදුනලු ඈ...)

රිදෙනවද මල්ලි. ප්‍රශ්නය අපේ මව්තුමියගෙනි.(අම්මටත් පිස්සුනේ... අලියට පෑගිලා ගු ගියාද ඇහුවලු.)

මේක ඒ මදිවට සිංහල දන්නෙත් නැත. මු අපේ අම්මා දිහා බැලුවේ හරියට අපේ අම්මා මුට ඇන්න වගේය.

ශිංහල බෑ නෝනා. පිළිතුර මහ දෙමලාගෙනි.

මත්තියා මෙය කඩියෙක් කෑවත් බයයි. අපි වෙන දවසක් එන්නම් මේක කඩන්න. දැන් මෙය කීයටවත් ඔය ගහට නගින්නේ නී. කියූ මුන් පිටත්ව ගියෝය.

ඇයි හත්තිලව්වේ... මුට දෙබරෙක් ඇන්නේ කෙසේද? රහස් පරීක්ෂක අඩවි රජ හා පිය රජ වහාම ක්‍රියාත්මක වන පරිදි හදිසි සෝදිසි මෙහෙයුමක් දියත් කළේ දඩෝරි බල්ලා සමගය. උඩ බිම බලමින් වත්තේ ඇවිද්දෙමු. 

මල හුස්ටප්පරයකි. ඇහැ හිල් විය, වත පරල විය...  දෙබරා බැට්, ස්ටම්ප්, තයි පෑඩ් , නිකන් පෑඩ් විතරක් නෙමේ අන්තිමට හෙඩ්ජියර් එකෙනුත් ගහනවාය. එක්තරා හිපාටු දබර කල්ලියක් අපේ වත්තේ බෝලයක් අඹලාය. අපරාදේ කියන්න ඕනේ නෑ. කන් කළු බෝළේය. මෙන්න සාක්කි.

කොහොමද වයිරම

ආරක්ෂක සෙබලු

ප/ලි:

රජ, වැඩිය සමීප රුප ගන්නට ගියේ නැත. අරූ මෙන් දැම්ම කෙලෝගන්නට මට කිසිම උවමනාවක් නැත. නමුත් ඕකට දුම් ගසා ඔවුන් මගේ අඩවියෙන් එලවන එක එලවනවාමය. එලවා ඔය කූඩේ දෙකට පළලා තව පොස්ටුවක් දානවමය.!!!!


රූප කතාව ඊලග පෝස්ටුවේ දානවාමය ^_^