අළුත් සයිට් එකේ එක එක කතා

අපි පුවක් ගහකට නැග්ගොත් ඒකෙත් දෙබලක්ය. අපේ සයිට් එකේ සෙට් වෙන කෙල්ලෙක් ඇත්තේම නැත. ඉන්න උන්ගෙත් ඩිකි නැත. නැත්තන් බොනට් නැත. එක්කෝ දෙකම නැත. There is no Barrier under the බුරිය කිව්වට... මේවා නං නිකන් දුන්නත් තුනී ලෑලි සංස්ථාවටවත් ගන්නේ නැත. ඔක්කොම වෙන්නේ හොදටයි කියා කියමනක් ඇති හෙයින් අපි හිත හදාගන්නෙමු. ඒත් ඉන්න තැන කොච්චර කට්ට උනත් ෆන් එකේ ඉන්න ඕනෑය. මේ සති දෙකට එක එක ලොල් සිද්ධි වැහි වැහැලා තිබුනේය. සමහර ඒවා නං මතකත් නැත. උදේ 5 ඉදලා 11 වෙනකන් නන්ස්ටොප් කට්ටක්ය. මංරජා භාරව ඉන්න ෆෝමන් මහත්තයා නං ගින්දර බුවාය. ඕනේ කුණුහබ්බයක්, ඕනේ මගුලක් ප්‍රසිද්ධ වේදිකාවේ දිග හැරිය හැක. 

අපිව සයිට් එකේ වැඩට ගත්තේ විනය කියන එක මිශ්‍ර පාසලකට වඩා ඉහල මට්ටමක පවත්වා ගත යුතුය යන කොන්දේසිය මතය. මංරජා මතක ඇති කාලෙක එහෙම ඉස්කෝලෙකට නොගිය හෙයින් ඒක මට අදාල නැත. රජාගේ පැත්තේ වැඩකරන සෙට් එක නං සුපිරිය. වැඩ නොකලත් බුල කෙලින්න උපන් ගැන්සියය. මුං වැස්සට කියන්නේ කම්කරු දෙයියෝ කියලාය. එදා කුණාටුව තිබ්බ දවසය. අඩි 100ක් විතර උඩ ක්‍රේන් එකේ ඉන්න එකා පහල හෙල්පර්ගේ හෝකිටෝකියට මෙසේ කියන්නේය.

තව මීටර් 500යි.... 400යි...300යි...

මොනවද බං ඔය කියන්නේ?

කම්කරු දෙයියෝ එනවා මහත්තයා...මොකා???

වැස්ස එනවා මහත්තයා..වැස්ස... මුහුද දෙසින් එන සුදු පැහැ මීදුමු වලාවට අත දිගුකරමින් මූ කීවේය.

__________________________________________________

දවසක්... පැසෙන්ජර් හොයිස්ට් එකේ පොඩි එකා හෙන හැපියෙන් ඉන්නේය. හේතුව සොයා බලන කල ඌ වටින කොල්ලක්ය. මූ හොයිස්ට් එකේ උඩ ඉදන් පහලට එනකොට එහා පැත්තේ හෝටලේ කාමරේ ජනේලෙකින් කොටු කොටු දර්ශනයක් දැක ඇත. මූ දැන් අපිට රස කර කර කියන්නේය. කතාව අවසානය සිදුවූයේ අපේ පෝන් නම්බර ඌට දීමත්, අනිත් දවසේ ඔහොම එකක් දැක්ක ගමන් අපිට කෝල් එකක් දීපන් කීමය.

තව දවසක්... දහවෙනි තට්ටුවේ විතර පඩිපෙලක ඉදන් එකෙක් ක්‍රෙස්කැට් එක දිහාවට එබීගෙන ඉන්නේය.

මොනවද බං බලන්නේ?

නෑ මහත්තයා මේ..අද කරෝල වේලෙන්න දාලාද කියලා බැලුවේ...

හෑ... කරෝල?

ඔව් මහත්තයා... ඇයි අර පූල් එක ලග දාලා තියෙන්නේ වෙනදට. මූ ක්‍රෙස්කැට් එකේ පූල් එකට අත දිගුකරමින් කීවේය. වෙනදට ඔතන සුද්දියෝ අව්ව තපින්නේය. 

ලගදි දවසක ටී ටයිම් එක වෙලාවේ සයිට් ඔෆිස් එක ඇතුලේ එකෙක්ගේ පෝන් එකේ වැලක් ප්ලේ වෙලා තිබුනේය. ඕකට නම ගියේ අර අළුතෙන් ආපු අය කියලාය. ඒ කියන්නේ අපිය. ඒකෙත් ඉතින් වැරැද්දක් නැත. මූණෙ තියන පින් පාට හේතුවෙන් උන්ට එසේ හිතෙන්නට ඇත. එවෙලේ අපි ඔෆිස් එකේ හිටියෙත් නැත. අපි ඒක එයාලට පැහැදිලි කරලා දුන්නේය. අපි පෝන් එකේ වැල බැලුවේ 10දීය. දැන් බලන්නේ පුල් HD, 16 Inch මොනිටර් වලය. 

 ____________________________________________

මේ ඊයේ පෙරේදා මං රජා ස්ටෙයාකේස් එකක කම්බි බදිමින් සිටියේය. එකෙක් ජීඅයි බටයක් හොයාගෙන ආවේය. වැඩකරන සෙට් එක මූව බයිටට අල්ල ගත්තේය.

බට දෙන්න එපා කියලා තියෙන්නේ මේ මහත්තයා... ඔන්න ගෙනියනවනං ටක්ගාලා ගෙන්න ඕනේ. එකෙක් කීවේය.

හාකෝ කියූ අරූ බටේ ගෙනිහින් විනාඩි දෙකක් යන්න කලින් ආපහු උස්සන් ආවේය.

අයියෝ.... මෙයාට විහිළුවක්වත් තේරෙන්නේ නෑනේ... අර මාළු බාන එකාට උනා දේ තමයි මූටත් උනේ...හිනාවෙමින් අරුං කීවේය.

මටත් නිකන් සෝට් වගේය. මොකද්ද යකෝ ඒ මාළු කතාව. මම ඇසුවෙමි.

ඇයි මහත්තයා දන්නේ නැද්ද? මෙහෙමයි සීන් එක....

“ඔන්න මාළු බාන එකෙක් හිටියා.. මිනිහට දවසක් මෙන්න මේ සයිස් මාළුවෙක් අහුවුනා. මාළු බාන එකා එහා පැත්තේ හිටපු එකාට කිව්වා මේ නං දෙයියන්ටම දෙන්න අහුවුන මාළුවෙක් කියලා. පස්සේ මිනිහට කල්පනා උනා දෙයියෝ මාළු කන්නේ නෑ නේද කියලා. ඌම කිව්වා... දෙයියන්ට මොකටද මාළු කියලා. එතකොටම මාළුවා අතෙන් පැනලා වතුර වැටුනා. කට ගොරකා ගෙඩිය කරගත්තු මිනිහා, අයියෝ... දෙයියන්ට විහිළුවක්වත් තේරෙන්නේ නෑනේ කියලා කිව්වා.“

__________________________________________________

මේ දවස් වල අපි සයිට් එකේ ඉන්න උන්ව හැමදාම අනුකරණය කරමින් පවතී. නමයට ඕෆ් වෙන දවස් වලට 8 විතර බුල ගහන්න පටන් ගන්නා අපි, ලොකු සීන් දෙන ස්ටාෆ් එකේ උන්ට නම් හදන්නෙමු. උන් ඇවිදින හැටි... කතා කරන හැටි අනුකරණය කරමින් 19 තට්ටුව මත නොමිලේ රගදක්වන්නෙමු. කෙල්ලන්ව අනුකරණය කරන එක තරම් ආතල් එකක් තවත් නැත. තව පොඩ්ඩෙන් කැට් වෝක් දාන්න ගිහින් ඇටත් තලා ගන්නේය. 

සයිට් එකේ වැඩ කරන වසයක උන් අපි කියන සමහර ඒවා ගනන් ගන්නේ නැත. මොකද අපි අළුත් හා පොඩි උන් වීම මත උන් අපිට බය නැත. සමහර උන් දෙන ලොකු ලයින් දැක්කහම ගඩොලකින් ගහලා මරන්න තරම් කේන්තිය. ඒත් බහුතරය නම් ආතල් සෙට් එකක්ය. 

ගාලුපාරෙන් යන උන් ක්‍රෙස් කැට් එක ඉස්සරහින් යන ගමන් ඊට ඉස්සරහ හදන බිල්ඩිමේ උඩ....ම තට්ටුව දිහා බලලා හූවක්වත් කියාගෙන යමල්ලා ඈ... නැත්තං මට කම්මැලීනේ :)

ප/ලි: 

කලින් පෝස්ටුවෙදි පොටෝ ගහලා දාන්න කිව්වට ඒක කරන්න බෑනේ සනා... සේෆ්ටි ඔෆිසර් කෙනෙක් දැක්කොත් මට රෙදිත් නැතුව තමා ගෙදර එන්න වෙන්නේ

සුභ වේවා!!! රාජ සම්පත් ලැබේවා!!!