Tuesday, July 31, 2012

මල්ලිට අකරතැබ්බයක් | OMG he is in TROUBLE !!!

රජා ගේ මල්ලි හෙවත් යුව රජ, රජා වගේ නොවේය. හැන්සම් කොල්ලාය. මිනිහා දැන් ඉන්නේ 8 වසරේය. මොනවා උනත් මූත් හෙන සොමියට බර කොල්ලාය. මේ කියන්න යන්නේ ඌට සාටර් සිද්දියක්ය. අදින් ඇරබෙන යුවරජ සිද්දි ලේබලය යටතේ මුගේ කතා සෛබරයේ දිග හැරෙනු ඇත.




වර්ෂ 2009 ය. මල්ලි හිටියේ 5 වසරේය. එනම් ශිෂ්සත්තේ කරන කාලයේය. මුගෙ පන්තියේ දුප්පත් ගෑල්ලමෙක් සිටියාය. හැම විෂයක්ම ලියන්නේ එකම පොතේය. අපිත් නං ඉතින් එහෙමය. ඒ අපිට ඇති කම්මැලිකම නිසා නොව පොත් ගන්නට සල්ලි නැති නිසා නොවේය. පොඩි උන් කොහොමත් ලස්සනට වැඩ කරන්නට ආසාය. විශේෂයෙන් ගෑල්ලමයි කොහොමත් විස්චූර්නය. මේ ගෑල්ලමයාගේ අම්මා අපේ මව් තුමියගේ යාලුවෙක්ය. ඇගේ තාත්තා එම පවුල ඇත හැර දමා ගොස්ය. ජීවත් වෙන්නේ පොඩි පැලකය. මේ හේතුවෙන් හිත උණු වූ අපේ මව්තුමිය ඇයට හෙන පොත් පාර්සලයක් තෑගී දුන්නේය. ඒ සදහා මමද ඇගේ නිවසට යනු ලැබීය. තෑගි පාර්සලේ ගත් ඇය කෙතරම් සතුටට පත් වීද යත් ඇය කට කනේ තබාගෙන පුදුම හදිස්සියකින් එය ලිහා බලමින් පොත් වල සුවද බැලුවාය. පෑන් පැන්සල් වල හැඩ බැලුවාය. අපේ අම්මගේ ඇස් වල කඳුළුත් තිබ්බාද මන්දාය. 

නිධාන කතාව එහෙමය. දැන් කියන්නේ අද කතාවය. මේ දවස් වල මලයට විභාගේය. මිනිහ බොක්කෙන් වැඩ කරන්නේය. තාම මිනිහට මං රජාට වගේ කෙල්ලෝ ගැන ආශාවක් නැත. මිනිහ බෝ පැලේය. මිනිහට මේ හෙන අකරතැබ්බය වෙලා ඇත්තේ විභාගේ ඉවරවෙලා වෑන් එක එනතුරු සිටින වේලාවේදීය. අර ගෑල්ලමයාගේ නම පුබුදු කුමාරිය. ඇය එතරම් ලස්සන කෙල්ලෙක්ද නොවේය. ශරීර වර්ණයෙන් කලුය. කළු කෙල්ලෝ ලස්සනය. එත් මේ කෙල්ලගේ ඒ හැටි ලස්සනක් නැත. ලොකු වෙද්දී ලස්සන වෙයිද මා දන්නේ නැත. 


මලයා දැන් ගෙදර ඇවිත් අම්මත් සමග රන්ඩු අල්ලන සද්දේ ඇසී මමද දිව ගියෙමි. මන්ද අපිට වලි පේන්ඩ බැරිය.

ඔයා හින්ද තමයි අම්මේ මේ ඔක්කොම. මොනවා කරනවද මන්ද කෙහෙල්මල...!!!

මොකද ළමයෝ කෑගහන්නේ???

මොකද තමා. මම බෑන්න අද අර කෙල්ලට

මොන ළමයද ළමයෝ??

අර පුබුදු කුමාරි...

ඒ මොකද? මොලේ හොඳ නැද්ද අසරණ ලමයිට බයින්නේ?

අසරණ??? හොද අසරණ 

මොකද්ද ඕයි උනේ කියනවකො මගුලක් කියවන්නේ නැතුව... මම නොඉවසිල්ලෙන් ඇසුවෙමි.

බලනවකො ඔයි, මම අද වෑන් එක එනකන් ඉද්දි කෙල්ලෝ දෙන්නෙක් ඇවිත් මට කියනවා... මේ චන්දිම.. පුබුදු කුමාරි ඔයාට කැමති කියන්න කිව්වා කියලා... ඒ වෙලාවේ මුගේ මුහුණේ තිබු ඉරියව්ව මට වචනයෙන් විස්තර කල නොහැක. එය එතරම් සංකීර්ණය. ගුජුප්සාජනකය 

නෑ............... ඉතින්??? මම හිනාව බොක්කෙම තද කරගෙන ඇසුවෙමි. 

මම ගිහින් බැන්න ඒකිට.


සිරාවට....?? මොනවද කිව්වේ??

මම කිව්වා..
මේ තෝ ආයේ ඕක කිව්වොත් පට්ට ගහනවා තෝව...

බුදු අම්මියෝ... උගේ හුරතල් කටහඩින් කටහඩින් ඌ ඒක කිව්ව ආකාරයට මම හා අම්මා උඩ පැන පැන හිනා උනෙමු. හම්මෝ.... බඩත් කොර විය. 


මලයා විස්තර කරන ආකාරයට ඇය දැන් සිටින්නේ අර මොකද්ද කර වෙන අවදියේය. ඇය අයියලා දෙතුන් දෙනෙක් එක්කත් ඉන්නවාලුය. මං රජාගේ උපදෙස උනේ... මල්ලි උඹ ටිකක් ඈත් වෙලා හිටපන්. දැම්ම ලෙඩනං දාගන්න එපා. පස්සේ දා ගනින් හොදම එකෙන් සුපිරි ලෙඩක්. නැත්තං මටත් එක්ක ලැජ්ජයි ඕයි!!



සුභ වේවා!!! රාජ සම්පත් ලැබේවා!!!


Saturday, July 28, 2012

තෑගි ප්‍රශ්නය 08- එන්ඩෝ තෑගි දිනන්ඩ එන්ඩෝ

ගිය සතියේ ප්‍රශ්නය


පිළිතුර


සසද සසද අපි මහ පාරේ යනවා - රෝහණ බැද්දගේ ශූරීන්


______________________________________________________________________


මෙන්න ජයග්‍රාහකයෝ තුන්දෙනා,



ඔන්න ඒ අනුව ඒ තුන්දෙනාට හිමිවෙනවා ඔටුන්නක් (කැමති නං දාගන්න එපා නං නිකන් ඉන්න)

__________________________________________________________________

මේ සතියේ ප්‍රශ්නය,

මං රජා,
කැමතිම සතා 
සහ
අකමැතිම සතා 
කවුද?

ඉගි:
කැමතිම සතා සිව්පාවෙකි.
අකමැතිම සතා පාද රහිත එකෙකි.

සුභ වේවා!!! රාජ සම්පත් ලැබේවා!!!

Tuesday, July 24, 2012

අමුතු සයිට් විසිට් | Civil Eng's ROXXX

දිනය දැන් සති දෙකකට පමණ පෙරය. ඇග හිරි වැටෙන එසයිමන්ට් දෙකක් ලැබුනේය. එකක පිටු 10 ක් විතරය. මෙලෝ මල දානයක් තේරෙන්නේ නැත. අහලා තියෙන්නේ ටනල් ඩෑම් ගැනය. ලෙක්චර් එකේදී ඉගැන්නුවට පසු පස පේලි වලට මේවා ඇහෙන්නේද නැත. අනික හෙන බෝරින් සබ්ජෙක්ට් ඒකක්ය. 

ඒක කරන්නේ කොහොමද කියා අහස පොළවට සෙට් කරමින් සිටින අතර තුර ඇකඩමික් එකෙන් පණිවිඩය ආවේ මෙය කල යුත්තේ සයිට් විසිට් එකකින් අනතුරුව බවය. ඒ අනුව ඊළඟ සතියේ විසිට් එක ලාවට වගේ සංවිධානය විය. දවස් දෙකක් සඳහා සංවිධානය උනා කීවට රෑට නවතින්න තැනක් නැතිය. කන්න කෑම ගන්න තැනක් නැතිය. යන උන් ගෙදරින් අවසර ගෙනත් නැතිය. 

විසිට් එක යන්නට ඇත්තේ 18 වෙනිදාය. 16 වෙනිදද කොහෙද පොඩි මිටීමක් තිබුනේය. එහිදී සාකච්ඡා උනේ නවතින්නේ කොහෙද? යන්නේ කොහෙද? කරන්නේ මොනවද? අරවා මේවාය. නවතින්න ප්ලේස් එකක් කොල්ලෝ දෙන්නෙක්ගේ පිහිටෙන් හොයා ගත්තේය. කොහේ ගියත් අපි වැඩ කරන්නේ ලෝ බජට් වලින්ය. එකේ ආයේ කිසිම සැකයක් නැත. 5 ස්ටාර් උනත් බජට් එකනං ලෝම ලෝය. ඒ අතර පුලාට හෙන ප්‍රශ්නයක් ඇති වී තිබුනේය. ඔහු එය මෙසේ කෝඩිනේටර් අක්කාගෙන් ඇසුවේය. 

මි.. මි... මිස්... එහෙ සීතලද ද ද.. දන්නේ නෑ නේ?

කොහොමද දන්නේ නෑ... හැබැයි කවුරුවත් ඇල්කොහොල් එහෙම යූස් කරන්න බෑ...

හැක හැක හු........

නෑ නෑ මිස් මම මෙ ඇහුවේ ජර්සියක් එහෙම ගෙන්න ඕනෙද දන්නේ නැනේ...


දිනය 17 වෙනිදාය. දැන් හෙනම ප්‍රශ්නය බෝතලේය. සෙට් කරපු හෝටලේ එක කාමරේක සිටිය යුත්තේ 4ක් හෝ 5ක්ය. සෙට් පිටින් කට්ටිය බෝතල් සෙට් කරන්නේය. බන්ටි ඇතුළු පිරිස ඕල්ඩ් කෙග් එකක් සෙට් කර රජා ට ලබා දුන්නේ ගූ පාන්දර ඕක උස්සන් එන්න බැරි නිසාය. දැන් අපේ සෙට් එකට බෝතලයක් නැතිය. රජා හෙන ගුලියක් ඇඹරුවේය. අපේ බැච් එකේ ආශාන්ලා 3 ක් ඇත. ඒ,

පච අශාන් - කට ඇරියොත් කෙප්පයකය
වැල අශාන් - බැච් එකටම වැල ඩිස්ට්‍රිබුටර්
මල් අශාන් - මල් කොල්ලෙකි පැණි හැලියකි 

පචාය බෝතල් ගැන හෙන ලොකු කතාවය. ඌ එකක් ගෙන්න වගේ ටෝක්ස් දෙන්නේය. ඔය කිව්වට ගේන්නේ නැති බව අපි දන්නවාය. රජා පච අශානයට පොඩි ට්‍රික් එකක් දුන්නේය.  

උඹ බෝතලයක් ගෙනාවොත් මම බොනවා.

සිරාවට???

අනිවා දන්නවනේ රජා කිව්වොත් කිව්වා...

හරි එහෙනං හිටපන්..

පචයා, වැලයාට 1300ක්ම දුන්නේය. බයිට් රජා ගානෙය. 

දිනය 18 වෙනිදාය. මහා හද්ද කළු කැත පාන්දර 4.30 ට පිටත් වීමට කතිකා කර ගෙන තිබුනේය. ගවේෂක චමියාට එන්න එකක් නැත. ඌටත් පිස්සුය. මාමාගේ කොටෙජ් එක අල්ලපු වැටේ තියෙද්දී බොරුවට ගෙදර ගියේය. 9.00 කෝච්චියෙන් ආපහු ගල්කිස්සට ඇවිල්ලය. 11.45 වෙද්දී මිනිහ කැම්පස් එක ගාවය. ඒ වෙලාවේ අපිත් තවම නිදි නැත. මූට අපේ බෝඩිමට එන්නද තිබුනේය. කැම්පස් එකේ නිදාගන්න ගොස් ඇත. මදුරු සේනාව මිනිහව වට කරගෙන ඇත. මොන නින්දක්ද? පසුව බටයක් දල්වාගෙන ඇත. මදුරුවෝ සිහි සුන්ය. නිදා ගැනීම පැත්තක තබා සික්කා එක්ක කයියක් දමාගෙන සිට ඇත. නැවත අර අසරණ වෙනද වයිෆ් එක්ක 3.30 වනතුරු කයියක් දමාගෙන එහෙට මෙහෙට ඇවිදමින් සිට ඇත. මූ අපේ බෝඩිමට එන විට 3ට පමණ ඇත. ඇවිල්ලත් දුන්නේ පුදුම වදයක්ය. අපිට හරියට ලෑස්ති වෙන්නට දුන්නෙත් නැතිය. 4.30ට හරියටම යන්න දගලනවාය. 

වෙලාව 5.15 පමණ වන විට අපිට කැම්පස් එකෙන් පිටත් වීමට හැකි විය. එකා එකා මගින් අහුලා ගනිමින් ගියෙමු. අතර මග කට්ටිය ගෙනාපු පාන් බනිස් කමින් ගියෙමු. උදේ ආහාරයට නවතින්න තිබුනේ කිතුල්ගලය. පට්ට කඩයක් හම්බුනේය. ප්ලේස් එකත් සුපිරිය. එකා දෙන්නා හෙමින් හෙමින් බස් එකෙන් බැස්සේය. නිකමට වගේ පචයා ප්ලේට් එකක ගාන ඇසුවේය. 

අයියේ කොහොමද ප්ලේට් එකක ගාන?

500 මල්ලි....

බස් එකෙන් බැහැපු, කඩේ ළඟ හිටපු එකෙක් වත් පෙනෙන තෙක් මානයක නැත. උන්ට බස් එකේ හිටපු තැන් වල ඉඳගන්න ගතවී තිබුනේ තත්පරයෙනුත් අඩක් වගේ වෙලා ගණනක් පමණකි.  

අපගේ ඊලග නැවතුම උනේ පොඩි කඩයක්ය. බස් එකෙන් බහින්න කලින් පචයා ගිහින් ගාන අහගෙන ආවේය. බුෆේ ප්ලේට් එක 125ය. ඒ ගාන ෂේප්ය. හෙමිට බසයෙන් බැස ගත්තේමු. කෑමට තිබ්බේ, ඉඳි ආප්ප, රතු බත්, සම්බෝල, කිරිහොදි, පරිප්පු, සමග පාන්ය. හෝටලේට ගියත් කලින් යන්න ඕනෑය කියා කතාවක් තියෙන්නේ නිකන් නොවේය. රජා, වැල අශාන්, ගවේෂක, නිශාන් සමග දිලුකයා බෙදා ගත්තේ ඉස්සරලාමය. පිටිපස්සෙන් ආපු උන්ට කන්න ඉතුරු උනාද කියා සැකය. රජා ඉදි ආප්ප 25යි . ගවේශකයා රතුබත් හැඳි 3ක් සමග ඉඳි ආප්ප තොගයයි. වැලයත් එහෙමමයි.  ඇත්තටම කඩේ ඇන්ටි ගැන නං මට දුකය. අපි 125 ට 250 ක පමණ කා තිබුනෙමු. 

ගහන්න පොටෝ නැතුව හෙන සියිස් හැකරුල්ලෙක් වගේ එකෙක් පොටෝ ගසන්නට දිව්වේ අපේ මලදිවයිනේ කොල්ලෝ දෙන්නාගේ කෑගැසිල්ල හමුවේය. කොල්ලෝ කිව්වට එකෙක් තාත්තෙක්ය. ඌට වයස 32 කි. ඌව මැක්රෝ කර කර ඉද්දි යශිකයා නම් හෙනහුරා කඩන් පාත් වී මගේ කිරි කිරි ටොයි කැමරාව කිසිම සිතක් පපුවක් නැතිව බිම පතිත කරන ලද්දේ පෙර ආත්මයක වෛරක්කාරයෙන් මා පසු පස හඹා විත් බොක්කටම කඩුවෙන් ඇන්නා පරිද්දෙනි. මම මොකුත් නොකිව්වෙමි, මම හිතන දේ ඌටම හිතා ගන්නට මම ඉඩ හැරියෙමි. 



ගිනිගත්හෙනෙන් තඩි හසියා බසයට ගොඩ වෙන ලදී. අපේ ඊළඟ නැවතුම උනේ කෙලින්ම ඉහල කොත්මලේ සයිට් එකය. ගිය විගසම අපිට ඇතුලට යන්න ලැබුනේ නැත. ඒ හරි හැටි අවසර අරන් නැති වීමලු. අපි අවසර ලැබෙන තුරු හතර අතේ කැමරාව වනමින් සිටියෙමු. එහෙත් අපිට වේල්ල උඩට යන්නට ලැබුනේ නැත. වේල්ල පෙනෙන තෙක් මානයේ සිට පොටෝ ගැසෙවෙමු. අපේ කෝඩිනේටර් මිස් අක්කාටත් තියෙන්නේ පුදුම පොටෝ පිස්සුවක්ය. අපි තව හොදයිය. ඇය ඇත්තේන්ම ලස්සනය. ඇගේ එක පින්තුරයක් ගැනීමට කොල්ලෝ 8 ක් කැමරා උල් කරගෙන වටවීමෙන්ම එය පැහැදිලි වේ. (පින්තූර බුකියේ) 

අපි ඊලඟට ගියේ පවර් හවුස් එකටය. එකෙත් විනාඩි 20 ක පමණ ගුජුප්සාජනක ප්‍රසන්ටේෂන් එකකට පසුව අපිව සයිට් එක වටේ බස් රථයකින් එක්කන් ගියේය. මෙලෝම මෙලෝ රහක් තිබුනේ නැත. ඉහල කොත්මලේ නං ගියේ බොරුවටය. කිසිම මල දානයක් ඉගෙන ගත්තේ නැත. මේ වන විට වෙලාව 3 ට පමණ වී තිබුණි. 


අපි ඊළඟට ගියේ රම්බොඩ උමග බැලීමටය. මෙතන පොටෝ ගහන්නට ගිහින් තව පොඩ්ඩෙන් එකෙක් දෙන්නෙක් වාහනේකට අඩ තියනවාය. සමහරු අපි පාර මැද සිට පොටෝ ගැසීම හේතුවෙන් වාහන නවත්තගෙන බලන් සිටියෝය. මෙසේ සිටින අතර උමග දෙසින් මහා හූ සද්දයක් ඇසෙන්නට විය. මෝරපු හද දුටු නරි රැල මෙන් අපේ උන්ට ජාතික ගීය ඇසෙන්නට බැරිය. පාර දෙපැත්තෙන් සෙට් උනි. එන උන්ට හූ කියන්නට කට උල් කරගෙන හුස්ම ඉහලට අරගෙන සුදානම් වී සිටියෙමු. එක පාරටම උමගේ දොර ළඟ වංගුවෙන් මතු වුයේ දෙදෙනෙක් රැගත් ත්‍රීරෝද රථයකි. 


අපේ සියලු බලාපොරොත්තු සුනු විසුනු වී ගියේය. නැත නැත.... තවමත් හූ හඬ ඇසෙන්නේය. නැවතත් සුදානම් උනෙමු. විශාල ටටා බස් රථයක් පැමිණෙනුනේය. කන පැලෙන හූ හඩක් දුන්නෙමු. දෙවියනේ.... ඒකේ සිටියේ බාලංශේ ලමයි පිරිසකි. උන් කට ඇරගෙන අපි දිහා බලාගෙන ගියෝය. කිව්ව හූවත් අකුලාගෙන නැවත බස් එකට ආවෙමු. සීමාවේ රැදී සිටි පිරිසට බඩිගින්න දරාගත නොහී බසය අසල තිබූ ඇම්බුන් කෙහෙකැනම එකකට ගෙඩි පිටින්ම රුපියල්ම 20 බැගින් ලබා දී අවසන් කලේ අපිට එකදු ගෙඩියක්වත් නොතබාය.


නැවත බසයට ගොඩ උනු අපි දෙවතාවක් එහෙට මෙහෙට උමග තුලින් ගියෙමු. රම්බොඩ හෙලවෙන්න හූ කිව්වෙමු. උමග ඇතුලෙන් කළුවරේ යන ගමනේදී බසයේ මැද සිටි එක්තරා ජෝඩුවක් බදාගෙන සිටිබව ගමනේ නිල මාධ්‍ය සහකරු රජා සමග පවසා සිටියේය. 


ප්‍රශ්නය 01 - කවුද???


අපි තවම දවාලට කෑවෙත් නැත. අපි පුස්සැල්ලාව නගරය තෙක් පැමිණියෙමු. ඒ වන විට වෙලාව 4.30 ට පමණ වී තිබුණි. බඩට අරක්ගත් පණු දේවතාවුන් වහන්සේලා තම ඉල්ලීම් දෙන තුරු අඛණ්ඩ වැඩ වර්ජනයේ යෙදීම හේතුවෙන් තත්ත්වය ටිකක් බරපතල වී තිබුණි. බස් එකෙන් බැසගත් අපි වහාම කඩයක් සොයා දිව ගියෙමු. ඒ යන අතර මග තරමක් ගමන අඩපන කරන්නට සමත් වුයේ පැහැපත් පෙනුමැති ගෑල්ලමයිය. 

කෙසේ හෝ සයිවර කඩයකට රිංගාගත් අපි බිත්තර රොටි වලින් සප්පායන් උනෙමු. එදා දීපු සල්ලි වලින් වැල අශාන් ගෙනත් තිබුනේ වොඩ්කා බෝතලයකය. ඊට බයිට් සදහා සෙට් වෙන්නේ පලතුරුය. පලතුරු කඩ සොයා ගිය අපිට අහිංසක අක්කා කෙනෙක් ඉන්න තැනක් සෙට්විය. ලස්සන ඇපල් ගෙඩි හතරක් සමග දොඩන් ගෙඩියක් හා ජම්බෝ පීනට් පැකට් එකක් මිලයට ගත් අපි නැවත බස් රථය ලඟට පැමිණෙන අතරමග බන්ටි ඇතුළු සෙට් එක දිස්විය. අපිද නැවතුනෙමු. හුග කාලෙකින් නොකෑ ටිපි ටිප් එකක් කෑමේ ආශාව රජා ට පහල විය. මිලදී ගත්තෙමි. උඹ බබෙක්ද බං කී උන්ද පැන පැන කයි. ඒක කමින් සිටින විට එහා පැත්තේ ත්‍රී වීල් එක සුන්දර ලලනාවන් දෙදෙනෙකි. මෙය දුටු ගවේෂක නලියයි. 

නංගි ටිපි ටිප් එකක් දෙන්නද?

අපි කාලා තියෙනවා

අගර දගර පොඩි හාමිගේ වත්ත ලස්සනයි කිව්වලු. කට හඬ නම් මී කිරිය.

කමක් නෑ අපිත් ගොඩ කාලෙකින් කන්නේ ඔයාලත් කනවද?

එපා...

විකාර තර්ක දෙමින් අසමින් ඉන්න අතර තුර පැකට් එකත් ඉවර වෙලාය. අපි යන්න හැරෙන්වත් සමගම මෙතෙක් වෙලා වැසී තිබු රජාගේ කට ක්‍රියාත්මක විය.
ටිපි ටිප් එපා නං ආ කවරේ.... 

ටිපි ටිප් කවරයක් පාවී යනවා පෙනුනි.

මේ අතර එකෙක්ට බොකක් සෙට් වී වැසිකිලිගත වී ඇත. ඒ අසරණයාට නිදහසේ වැඩේ කරගන්නත් නොදී කවුදෝ එකෙක් මෙසේ හොරෙන් ජනෙල් කවුලුව අස්සෙන් පොටෝ ගසා තිබුණි.


 ප්‍රශ්නය 02 - පුස්සැල්ලාව හෙල්ලෙන සද්දෙන් බොක බෑවේ කවුද???

අපේ ඊලඟ නැවතුම උනේ කෙලින්ම හොටලයයි. මේ හොටලය සුපිරි යයි කට කතාවක් යමින් තිබුණි. පුංචි සුරංගනාවී, ලීඩර් යන චිත්‍රපට රූගත කර තිබුනේ මේ හෝටලයේය. අපේ බස් රථය තෙල්දෙණියට එන විට රාත්‍රී 7 ට පමණ වී තිබුණි. බස් එක හෝටලේට හරවන තැනට පැමිණියේය.

මල්ලි මෙතැනින්ද යන්න ඕනේ???

ඩයිවර් අයියා අන්දුන්කුන්දුන් වී ඇසුවේය.  ඒ පාර එතරම් පළල් හා කාපට් පාරක් විය. හද්ද කුණු ගේමක් දී බස් රථය හෝටලේ ඇතුලට ද ගනු ලැබීය. පන කඩාගෙන දුවගෙන ගොස් හොඳ කාමරක් අල්ලා ගනු ලැබීය. රජ පිරිස දෙවන තට්ටුවේ කොනේම එකට මෙහා පැත්තේ එක අල්ල ගනු ලැබීය.


දැන් තියෙන්නේ නාගෙන කාගැනීමය. රජා කෙලින්ම බාත්රුම් එකට රිංගගෙන නා ගත්තෙමි. ෂවර් එක ගැනනම් කතා කරලා වැඩක් නැත. මම වගේ දෙන්නෙක් දෙපැත්තෙන් ඉඳන් චූ කලානම් ඔයිට වඩා හයියෙන් වතුර එනවාය. කරන්නට දෙයක් නැත. අමාරුවෙන් ඇග තෙමා ගත්තෙමි. මේ අතර අපේ කාමරේ සෙට් එක රජාව දමා පූල් එකට ගිහිල්ලාය. රජා තනිකර දමා යාම හේතුවෙන් උන්ට මරු සීන් එකක් වී තිබුනේය. ගිය ගමන් පූල් එකට පැන ඇත. ටික වෙලාවක් නනා ඉන්න කොට වේටර් කාරයෙක් ඇවිත්,

මල්ලි පූල් එකට කෙමිකල් ගහල තියෙන්නේ ෆිල්ටෙර් වෙන්න 

මම යනකොට පූල් එකේ නනා හිටපු උන් පන කඩාගෙන හිරිකිත තැන් හයියෙන් අතුල්ල අතුල්ල පූල් එක ළඟ ෂවර් එකකින් නානවාය. 

අනේ මල්ලි කෙල්ලන්ගෙන් ෂැම්පු එකක් ඉල්ලං වරෙන්....

කට්ටිය බැගෑපත් වෙන්නට විය. ඊට පිටත්ව යන්නට කලින් මෙසේ රජාගේ බට්ටි කැමරාවේ මෙසේ පොටෝවක් සටහන් විය.




එළඟට එලඹියේ කෑම කතා වාරයයි. වෙන හෝටලේකින් අපිට කෑම ලැබුණි. ඒවා කා අවසන් වී වතුර බොන්න තිබූ විදුරු කට කපලා අයිස් ක්‍රීම් කෑම හේතුවෙන් අනිත් උන්ට අයිස අහිමි විය. අර කලින් කී පරිදි හැමදේටම කලින් යන්න ඕනේ කියන්නේ ඒකය.  

බස් එක හෝටලේට දමන්නට පෙර කතිකා කර ගත් පරිදි කෙල්ලන් බය කිරීමේ මහා සංග්‍රාමය මේසේ අරම්භ කරන ලදී. ගෑල්ලමි වෙනම ඉඳගෙන අයිස් කමින් සිටියෝය.

ඒ උඹලා දන්නවද? මේ හෝටලේ හනිමුන් ආපු කෙල්ලෙක් එල්ලීලා මැරිලා...

ඉක්මනට කාලා කාමර වලට ගිහිල්ල බුදිය ගනිල්ලා..

දොරට තට්ටු දැම්මට, එක එක සද්ද ආවට එකෙක්වත් ඇස් අරින්න එපා... 

ටික පිරිසක් එළියේ පොඩි සින්දු පාරක් දමද්දී රජා ඇතුළු පිරිස ඉක්මනින් කාමර ගත උනේ වොඩ්කා බෝතලේ රහයිද බැලීමටය. එකෙත් පොඩි ගතියක් තියෙනවාය. බොන එක උනත් කල යුත්තේ කලාත්මකව ප්‍රිය උපදවන සුළු ලෙසටය. බලන්න මේ බෝතලේ දැක්කම නොබී ඉන්නේ කොහොමද නේද? 

ඇපල් සෙට් එක නං ලොවෙත් නැති, ගහෙත් නැති, ගහ යටත් නැති ලෙස ලස්සනට නැගලා ගියේය. එකටත් හරියනම ෆෘට් ජූස් එකය.



පස් දෙනෙක් වටවෙලා බිව්වට හෙන පොර ටෝක් දුන්න එකෙකුට ෂොට් දෙක යනකොට  වැදුනාද මන්දාය. ඇදේ පෙරලි පෙරලි සිටියේය.  තවත් කවුදෝ මන්දා දෙපාර දෙපාර ශැන්ඩි කරනවා වගේ ලාවට මට මතකය. ඇයි තව මහ රෑ වොශ් රෑම් එකට පන කඩාගෙන දිව්වේද ඌමය.

ප්‍රශ්නය 04 - කවුද???

ඉහල කාමර වලත් හොඳ හොඳ සිද්දි ටිකක් සිදුවී තිබුනේය එකෙක් කේරලෙන් ගෙනාපු මොනවද බීලා හිනාව නවත්තගන්න බැරුව මැරෙන්න ගොස් ඇත. ඌ පැය බාගයක් පමණ එක දිගට හිනා වෙමින් සිට ඇත. තවත් සද්දන්ත කුලේ එකෙක් අධික ප්‍රවේගයකින් ඇදක් මතට සම්ප්‍රාප්ත වීම හේතුවෙන් සිරි යහන ගබඩාව සමතලා වී ඇත.



පාන්දර එකට පමණ ගයියා ඇතුළු පිරිස පහල මාලයට පැමිණ ඇත. ඒ තවත් කුපාඩි වැඩකටය. එනම් රජා ඇතුළු පිරිස බය කිරීමටය. වෙලාවට වගේ උන්ටත් වෙරි මර ගාතේ අපේ කාමරේ හොයාගැනීමට නොහැකි වී ඇත. තට්ටු දමා ඇත්තේ අල්ලපු කාමරේ මුස්ලිම් උන්ටය. තට්ටුව දමා මුන් එක එක හොල්මන් සද්ද දමා ඇත. එකෙක් දොර හිමීට අරිනවාත් සමග ගයියලා හැංගී ඇත. අරූ හෙමීට ඔලුව එලියට දමා දෙපැත්ත බැලුවේය. කිසිවෙක් පෙනෙන්නට නැත. දොර වැසුවේය.  තත්පර කීපයකින් ක්ෂණයකින් ඇරුන දොරෙන් එලියට පැන්නේ බයට යටිගිරියෙන් කෑගසාගත් එකෙකි.

ප්‍රශ්නය 05 - කවුද???

උදේ පාන්දර අවදි වී පූල් එකේ නාගෙන එහෙම වික්ටෝරියාව බලා යාමට පිටත් උනෙමු. ඇත්තටම එකනං මාරම අත්දැකීමක්ය. වේල්ල ඇතුලේ උමන් වගේ ඒවා අස්සේ ගියෙමු. 

බ්ලොග් කියවන හැමෝම ඉන්ජෝ නොවන බැවින් මම වේල්ල පිළිබද චුටි විස්තරයක් කියන්නම්. හැබැයි ඉතාමත් සරලව.

වේල්ලට කොන්ක්‍රීට් සමග කම්බි භාවිතා නොකළ බව
කොන්ක්‍රීට් ඇනුවේ අයිස් වතුරෙන් බව
වේල්ලට මිලිමීටර් 60 උපරිම පැත්තකට ඇලවිය හැකි බව
වේල්ල ඇතුලේ තට්ටු 7 ඇති බව
වේල්ල ඇතුලේ 50000 ක පිරිසකට සිටිය හැකි බව.
පුදුමයි නේහ්?

Thats why, I Love Civil Engineering...
Civil Eng's RoxxxXXXXxxxx



සිවිල් ඉංජිනේරු විද්‍යාවෙදී ට්‍රිප් සදහා තාක්ෂණික යෙදුම සයිට්/ෆීල්ඩ් විසිට් වේ.
සයිට් විසිට් = ට්‍රිප්

සුභ වේවා!!! රාජ සම්පත් ලැබේවා!!!


බුකියේ සම්භාව්‍ය පොටෝ ඇල්බමය මෙතනින්

ප/ලි: 
ප්‍රශ්න ඇහුවේ අපේ බැච් එකේ උන්ගෙන් ඈ...

Sunday, July 22, 2012

ෂික්... පොලත් දැන් වල් !!!! (හැමෝටම තියෙන එකනේ)


මාලිගාවේ කන්න දෙයක්        නැත්තේය
අද බදාදා ගිරූලු පොළ             ඇත්තේය
අම්මා බනී මම පොළ වෙත      යන්නේය
කන්න දෙයක් හොයමින් මම    ඉන්නේය

රජා කැරට් කන්නට හරි             ආසයිය 
ගින්දර වගේ කැරට් ගොඩක්     දැක්කේය
විකුනන්නේ හැදී දැඩි සුදු     කෙල්ලෙක්ය
රජු ඇදුනේ ඒ කඩේට              නිකම්මය 

වයස තිහයි මේරු බව ටච්             කෙරුවේ
අක්කත් කැරට් කෑ  බව පෙන්නුං    කෙරුවේ 
ලස්සන රුවකි මා එහිදී                    දුටුවේ 
ඇගේ බොලද කට හඩ මා තෙත්     කෙරුවේ

දෙන්න අක්කේ මටත් කැරට්       පන්සීයක් 
මාලිගාවේ නැනේ කන්න කිසිම      දෙයක්
ඇයත් දුන්න පෙරලා මට බෑග්           එකක්
දුන්නා ඇයට මම රුපියල්           පන්සීයක්

ඕනේ කරන හැම දෙයක්ම ගත්තා        මං
ඒ පයින්ම ආවා මං ගෙදෙට්ට             බං
කවරේ හලා අහුලනවා එළවලු            මං 
බකස් ගාල හිනා ගියා හයියෙන්           බං

|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|



ලොවේ හැමට පොදු දෙයක්ය         ලිංගිකය
එළවලු උනත් උන්ටත් ඒ දේ           පොදුය
මටනං පොඩි හිනා කටක්               ආවේය
මං හිතන්නේ උඹටත් සෑහෙන        ලොල්ය 


පීචන් රාජ කවි සීරීස් එකෙන්..



සුභ වේවා!!! රාජ සම්පත් ලැබේවා!!!

Tuesday, July 17, 2012

ඉංජෝ Vs මැනේජ්මන්ට්


Client
Company
Engineers 
Architecture
Organization
Project Manager
|
|
|
ආ.... හරි හරි....
එතකොට ඒකයි මේ...
|
|
|
|
Leadership
Motivation
|
|
|
|
ග්ර්ර්ර්...ශ්ශ්ශ්ශ්...
|
|
|
|
Time, Quality & Cost..!!!!
|
|
|
|
කවුද යකෝ කෑගහන්නේ?

නෑ මචන් කවුරුවත් නෑ..

ඒක මිසක්...

මේකනේ බං දැන් සිද්ධිය..
|
|
|
|
What the hell 
you Bloody Monkeys...!!!

Shit Bucket..!!!
|
|
|
|
හිකි හිකි... 

මොකද්ද බං ඒ බකට් එක?

දන්නෑ බං..

ගූගල් සර්ච් කරමු...
|
|
|
|
|
|
|
|
|
|
|
|
|
|
|




සුභ වේවා!!! රාජ සම්පත් ලැබේවා!!!


ප/ලි : 
මම බ්ලොග් ලියන්නේ මගේ මත ප්‍රකාශ කිරීමට නොවේය. එදිනෙදා ජීවිතයේ, මගතොටේ, කැම්පස් එකේ වෙන සිද්ධි විනෝදාත්මකව ඉදිරිපත් කරන්නට බව කාරුණිකව සලකන්න. එය මුල සිට මේ බ්ලොගය කියවන දකින අය දන්නවාය. ඒත් මැද්දෙන් පැනපු අය???

අනේ බුදු අයියේ, අක්කේ, නැන්දේ, මාමේ.... ඇයි අපි වගේ පොඩි උන්ට මෙහෙම කරන්නේ? ලිපියක් විවේචනය කලාට කිසිම තරහක් මගේ නැත. ඒත් ඒක ලියපු එකාව බොරු චෝදනා කරලා කුජීත කරන එක හරි නෑ නේද? කමක් නෑ.... කිසිම දවසක මා සමග වචනයක් කතා කර නැති, මා හදුනන්නේ නැති අය මා ගැන වැරදි චරිත සහතික දෙන්නට යාම ගැන මට දුකය... :(

මම ඒ ලිපි වලට පිළිතුරු ලිපි ලියන්නට යන්නේද නැත. ඇත්තෙන්ම මට එතරම් තර්කන හැකියාවක් නැත. ඊටත් වඩා අපි වලියට වඩා සොමියට බර උන්ය.

වෙඩි තියන්නේ නෑ...නෑ....නෑ..... කිය කිය ඇයි අපි වගේ සමනළයන්ටම වෙඩි තියලා මරන්න හදන්නේ? ඔච්චරම වෙඩි තියාගන්න ඕනෙම නං  ඇට බෝල තුවක්කුවක් දෙන්නං සීනි බෝල දාලා වෙඩි තියාගන් පස්සට කූඹී කාලා මැරෙන්න.. :/ 

Friday, July 13, 2012

තෑගි ප්‍රශ්නය 07- එන්ඩෝ තෑගි දිනන්ඩ එන්ඩෝ


පිළිතුර:

අම්මා අහනවා ---- පුතේ කවුද තාත්තා?????   :-)  :-)

________________________________________________

මෙන්න ජයග්‍රාහකයෝ තුන්දෙනා,


ඔන්න ඒ අනුව ඒ තුන්දෙනාට හිමිවෙනවා ඔටුන්නක් (කැමති නං දාගන්න එපා නං නිකන් ඉන්න) හා බ්ලොග් එක මා ලවා හැඩ කර ගැනීමේ අවස්ථාව.


නිකන් දුන්නම දාගනිල්ලා... නැත්තං තියනවා උල.

________________________________________________________________________

අද ප්‍රශ්නය,


අද ඔන්න දෙනවා සින්දුවක්. හැම පදේකම මුල් අකුර තියනවා. පුළුවන් නං කියමු මොකද්ද සින්දුව කියලා


ස...ස...දි...ප...ති...අ...
ස...ස...දි...ම...ති...කො...
වැ...පි...බ...මෝ...කැ...ම...
ම...මු...කු...නෙ...ම...

ස...ස...රෝ...කැ...
ස...ස....අ...ම...පා...ය...//

ස...ස...ස...පා...අ...ය...
ම...බ....ගො....බා...බැ...ය...
ස...ස...රෝ...කැ...
ද...කැ...නා...ල...වෙ...

ස...ස...රෝ...කැ...
ස...ස....අ...ම...පා...ය...//

ස...ස....ස...පො...සා...
ම...බ...දු...වි...ගි...
ප...සැ...රො...ගෙ...ය...බ...
ව...ටි...ස...ස...පී...



ඉගි:
මේක ප්‍රසිද්ධ සින්දුවක්
පොශ් අය අහලා නැතුවත් ඇති
ගැමි රසය දෙන ගීතයක්
වාහනයක් ගැනත් කියවෙනවා
පරණ ගායකයෙක් කියන්නෙ (තාම ඉන්නවා)


ප/ලි:
ගායකයගෙ නම අහන්න ඔට්ටු නෑ...


සුභ වේවා!!! රාජ සම්පත් ලැබේවා!!!
____________________________________________________

බස් රේඩියෝ බ්ලොග් සතිය වෙනුවෙන් එක දිගට....

1. තෑගි ප්‍රශ්නය 6
2. නංගීට අම්මා අවසර දෙයි
3. නංගී යනු කවුද
4. බස් රේඩියෝව ගිනි තැබීම
5. ගලබොඩත් ඉවරයි
6. රාජ චිත්තර




ඕං බස් බ්ලොග් සතිය වෙනුවෙන් 
දවස් හතක් එක දිගට හැමදාම පෝස්ට් හතක් 
දාලා ඉවරයි.
කියවපු, කමෙන්ටු දාපු, නොදාපු මගේ බුදු ෆිට් ඔක්කොටම
මගෙ යටි මෙව්වා එකෙන්ම එන උණුසුම් ස්තූතිය ඈ...


හරී මහන්සී....මං යනවා රාජකීය නිවාඩුවකට
ලබන සතියේ අග හමුවෙමු...
රාජ සම්පත!!!

Thursday, July 12, 2012

කවුද??????????? - නංගි සම්බන්ධ චිත්‍ර කතාව

ගෙදර ඉන්න සතියේ අත පය වෙහෙසල වැඩ කරන හොඳ රජෙක් විදිහට මගේ සැප දුක් විමසන්න එන පාරිබෝගික ජනතාව වෙනුවෙන් යමක් දෙන එක මගේ යුතුකමය. අන්න ඒ නිසා මම ඔබ සැම වෙනුවෙන් කෙටි චිත්‍ර කතාවක් ගෙන්න හිතුවෙමි. වැඩේ හිතන තරම් ලේසි උනේ නැතිය. මොකද මට චිත්‍ර අදින්න වැඩිය බැනේ. බලා ගෙන නං අදින්න පුළුවන්ය, එත් හිතල අදිද්දී ?

මලය තුමොත් ඉස්කෝලේ ගිහින්ය. දිය සායම් පෙට්ටිය හොයන්න ගේ පුරා ඇවිද්දෙමි. උගේ පොත් මේසය කණපිට පෙරලුවෙමි. ( පෙරලන්න දෙයක් නෑ කොහොමත් එතන අජුතයි) කොමහරි මව්තුමියට පින් සිද්ද වෙන්න සායම හොයා ගත්තෙමි. එදා කොපි කරලා මාට්ටු වෙච්ච එසයිමන්ට් එකේ කොළ ටිකත් හොයා ගත්තෙමි. සබ් වූපරේ කන පැලෙන්න සින්දු දාගෙන අදින්න දෙයක් ගැන කල්පනා කලෙමි. එක පාරටම පට්ට සින්දුවක් ඇසුනි.

දෑ සමන් මලක් වගේ ප්‍රියන්කරයි සුකොමලයි
සුරංගනාවියක් වගේ අහින්සකයි රටක් වටී.

කවුද???

සින්දුව රස විදින ගමන් කතාව බැලුවොත් තමා ඉතින් වටින්නේ. රාජ සම්පත්තිය ලැබෙන්නේ එතකොටය.



මේක රජතුමා මාර විදිහට ආස කරන සින්දුවක්ය. අදින වැඩේ පැත්තක තියාලා සින්දුව මුමුණ මුමුණ මේසෙට කොටන්නට උනෙමි. එකපාරට කවුද?  කියද්දී මට රාජ අයිඩියා එකක් ආවේය.
ඒ මේකය.










නංගිගෙ තාත්තා :- කවුද????????
|
|
|
|
|




නැවතත් මාලිගයට..
|
|
|
|
|
|
|
|
|
|
|




ප/ලි :

සූටි කාලේ දිය සායම් ගෑවට පස්සෙ ගෑවමද කොහෙද...  පජාතයි තමා..ඒ උනාට මූණටම කියන එක හරි නෑනෙ නෙහ්?  :-)

හෙන ගේමක් දී පොටෝ ටික ස්කෑන් කර දුන් අසංක අයියා (නාඔට්ටා) මචාට රාජ සම්පත්තිය ලැබේවා....!!!



සුභ වේවා!!! රාජ සම්පත් ලැබේවා!!!


අගබිසවගේ පිහියෙන් කපා ගත් රජා අද සිට මුහුණ අළුත් කර ගනී.. ලස්සනයි නේ? මේ......







බස් රේඩියෝ බ්ලොග් සතිය වෙනුවෙන් එක දිගට....

1. තෑගි ප්‍රශ්නය 6
2. නංගීට අම්මා අවසර දෙයි
3. නංගී යනු කවුද
4. බස් රේඩියෝව ගිනි තැබීම
5. ගලබොඩත් ඉවරයි



Wednesday, July 11, 2012

එතකොට ගලබොඩ ඇල්ලත් ඉවරයි ඈ...

යුගයේ සාටර්ම චාරිකා සටහන් පෙලේ ඊලග නැවතුම ලෙස අප යන්නේ දිය ඇල්ලක් ලගටය.
අපි මේ වනවිට,


සිසාරා ඇවිද ගියෙමු. අද ගාටන්නට යන්නේ අප්‍රසිද්ධ එහෙත් අතිශය කන්කලු වූ දිය ඇල්ලක් වෙතටය. එය නමින් ගල්බොඩ ඇල්ල නම් වෙය. එක පාරක් සාතන් අයියා මේ ගැන වාර්තාවක් ලියලා තිබ්බා වගේ මතකය. ඒත් එයාලා ඇල්ල ලගටම ගිහින් තිබුනේ නැත. රජා ඇතුළු රජ වාසල ඇමතියෝ සෙට් එකනම් ඇල්ල ඇගේ වදින සයිස් එකටම ගියෙමු. ඒක පමණක් නොවේය. ඩෙවෝන් ඇල්ල, ක්ලෙයාස් ඇල්ල ලගටද යන්නට පුළුවනය. හැබැයි අදත් සුපුරුදු ලෙස යන්නට වෙන්නේ මඩ වගුරක් දිගේය. කිසි දේකට බය වෙන්නට දෙයක් නැතිය. ඇල්ලේ හොද හැටි වතුර තිබේය.

මෙවර සෙට් එකේ 5 දෙනෙකි. ඒ ගවේෂක, යෂියා, නිශානයා, දිලූක සමග රජාය. සුපුරුදු පරිදි ගල්කිස්සෙන් කෝච්චියකට නැගුණු අපි නයිට් මේල් එක අල්ලාගැනීම සදහා පිටත් වුනෙමු. සතියේ දිනයක් උන බැවින් සෙකන් ක්ලාස් පෙට්ටි වල එතරම්ම සෙනගක් හිටියේ නැත. අපි සෙට් එකටම එක සීට් සෙට් එකක් ඉදගැනීම සදහා ලැබුනි. මෙවරද අපේ තනිකම මැකුවේ වෙන කවුරුවත් නොව කාඩ් පැක් එකය. මෙසේ කාඩ් ගගහා යන විට මෙවරද සෙට් උනේ අංකල් කෙනෙක්ය. මිනිහත් එක්කම අපි කාඩ් ගගහා ගියෙමු.

පොල්ගහවෙලට කිට්ටු වෙන්නට ඇත. කන සාක්කුවේ දමා ගත් හෙන සයිස් අයියලා සෙට් එකක් අපේ පෙට්ටියට නැග හිදගත්තෝය. අපි කාඩ් ගහනු දුටු උන් අපිත් සමග කයියට වැටුනි. එහෙන් මෙහෙන් ආ තොරතුරු අනුව කියවුනේ ඔවුන් නැව් වල සේවය කරන බවය. එතන ගිය සංවාදය කියන්නට තරම් සභ්‍ය නොවේය. එහෙත් ඕක ගැන කහටක් හිතේ තියගන්නවාට මේ රජා අකමැති හෙයින් මෙසේ ජුන්ඩක් ඉදිරිපත් කරමි.

හීන්දෑරි අයියාගේ කොරියන් කෑල්ල...
ඌ එයත් එක්ක පොර ගහන හැටි...
තඩි අයියා ඒ කෑල්ල එක්ක කොටු පයින හැටි...
නැවේ ඉන්න පට්ට කෑලි...
ඒ පට්ට කෑලි වල පාට පාට ගල්...

ආදි විවිධාකාර අපේ ළමා මනස විකෘති කරන ඒවා එතන කියවිනි. කෙසේ නමුත් හිත හොද එල කොල්ලෝ ටිකක්ය. අපිට නුවරදී බොන්නට නොමිලේ කෝපි අරං දුන්නෝය. උන්ට පින් දෙමින් අපි දිගටම ඇදුනෙමු. ගම්පොළ හරියට එද්දි ඇතමුන් ගොර අදින සද්ද ඉදහිට ඇසෙන්නට විය. 

කෙසේ හෝ පාන්දර එක වන විට අපි අපේ දිලූක සහෝදරයාගේ ‍උපන් නගරය වූ නාවලපිටියට සැපත් උනෙමු. එතැන් සිට උගේ ගෙදෙට්ට හැතැම්ම තුන් කාලක් තියෙන්නට ඇත. ඒ ටිකත් මහ පාන්දර හීතලේ පයින්ම ගෑටුවේ ඉදගෙනම සිටීමෙන් හිරිවැටුනු පස්සවල් ටික යතා තත්වයට හැකි ඉක්මනින් ගෙන ඒම සදහාය.

දිලූකගේ නිවහනට ගොඩවදින විටම උගේ අම්මා අපිට නූඩ්ල්ස් භාජනයක් දිගුකලාය. ඇය මහන්සි වී සාදා තිබූ එය අපි කෑවේ පෙරේතකමකට නොව ඇය පව් නිසාය. කා බී අවසන් වී  දිලූකගේ කාමරය බදු ගත් අපි නිදාගන්නට සැරසුනෙමු. යන යන තැන මොකාක් හෝ කුජීත ප්ලාස්ටරයක් ගහගන්න ගවේෂක චමියා මෙතනද මොනවදෝ කර ගත්තේය. ඇදේ චූ කලාද? නැත්තං අර අකුරු දෙකේ සුදු පාට ඒවා හැලුවද? දන්නේ ඌමය? එතන නිදියන්නෙත් ඌමය.


කෙසේ හෝ නිදාගන්නා විටත් 3 ට පමණ වී තියෙන්නට ඇත. නැවත පසු දින හයට පමණ අවදි උනේ ගල්බොඩට යන කෝචිචිය අල්ලාගැනීමේ කූට අදහසිනි. දිලූකගේ තාත්තා නොහිටින්න අපිට ඒකත් මිස් වෙනවාය. කෝච්චියේ බලු බල්ලෙක්වත් නැත. හිටියේ අපි පස්දෙනා පමණය. පැය බාගෙක පමණ ගමනකින් අනතුරුව අපි ගල්බොඩ දුම්රිය ස්ථානයට පැමිණියෙමු. මෙතැනත් හරියට කීනවල දුම්රිය ස්ථානයට සමානය. බලන බලන තැන මල්ය.

කෝච්චි පාරේ යන මිනිසුන්ගෙන් අසාගෙන අපි ඇල්ලට යන මාර්ගයට පිවිසුනෙමු. පච හල හල ඇල්ල හමුවන තුරුම ඇවිද්දෙමු. ඇල්ලේ සද්දේ එන විට කකුලට පොඩි අමුතු කික් එකක් ඇවිත් ආපසු ගියේය.

පාරේ ඇවිදගෙන යන අපිට එක්වනම මුන ගැසුනේ ලෑලි පාලමක්ය. අපි එය හරහා යා යුතු වන්නේය. අපිට උඩින් ගිහින් පුරුදු නැත. පළමුව යටින් ගොස් සාටර් පොටෝ ගසා නැවත උඩින් ගියෙමු.







ලෑලි පාලමෙන් එගොඩ වෙනවාත් සමගම අපිට මීටර් 200ක් පමණ ඇතින් සුන්දර දිය ඇල්ල පෙනෙන්නට විය. ඈත සිට කිසිම දෙයක් නරඹා පුරුදු නැත. ඒක අස්සේ ඔලුවද ගසන්නට අපිට ඕනෑය. එබැවින් ලිස්සන දිය සෙවෙල බැදි ගල් දිගේ ජල සීරාව දිගේ ඉදිරියට ඇදුනෙමු.


බිම පතබෑවීමේ පුරෝගාමියා වූ රජා එළඹි සුභ නැකතින් රාජකීය ලෙස පස්ස තෙමා ගනු ලැබීය. ගල් දිගේ පියාඹන්නට යාම මේ අනතුරට හේතුව බව පසුපස්සෙන් පැමිණි දණ්ඩාගේ වාර්තාවේ සටහන් විය.






කෙසේ හෝ පස්සවල් කුඩු කරගනිමින්, තව තව ඒවා තලා ගනිමින් අපි ඇල්ල ඇගේ වදින සයිස් එකටම ආවෙමු. එතන නං ඉන්නත් බැරිය. හුළං පාරට පින්න ඇගේය. අපිට ඕවයේ ගානක් නැත. හෙම්බිරිස්සාව හැදෙන්නේ හෙටය. අද තෙමුනාට කමක් නැත. මෙතනත් සම්භාව්‍ය ගණයේ පොටෝ වැදුනි.






දිලූක විඩියෝ කල, රාජා විසින් බුකියේ පල කල කුඩා ඇල්ලේ වීඩියෝ ක්ලිපය මෙතනින් නරඹන්න

කෙසේ හෝ නැවතත් පරිස්සමෙන් ගල්බොඩ දුම්රිය සථානයට පැමිණ, නැවත තලවාකැලේ දුම්රිය ස්ථානයට පැමිණි අපි ගියේ සෙන් ක්ලෙයාස් ඇල්ල බැලීමටය. එහිදී සිදුවූ වැදගත්ම දෙය නම් තේ වත්ත මැදින් යද්දි රෝස පාට ගලවා ඉවත් කල ජංගියක් දැකීම පමණක්මය.


නැවතත් කිලෝමීටර ගනනක් පයින්ම ගෑටූ අපි ගියේ ඩෙවෝන් ඇල්ල බැලීමටය. ගවේෂක සමග දිලූක ඉදිරියෙන් දුවද්දී අපි පසුපස්සෙන් ගියෙමු. පැය බාගෙකට පමණ පසු අපි ඩෙවෝන් ඇල්ල මානයට පැමිණියෙමු. පට්ට ප්ලේස් එකය. සුද්දියෝ පිරිලාය. ඇල්ලට වඩා බැලුවේ එයාලා දෙසය.




ඒ ඇල්ලත් රස විදීමෙන් අනතුරුව අප ගියේ කෝච්චිය අල්ලා ගැනීමටය. අපේ වාසනාවට ඒකත් අප දමා ගිහින්ය. ඊලග කෝච්චිය හෙන වෙලාවකට පස්සෙය. හෙටද මන්දාය. අපි බස් එකෙන්ම නාවලපිටියට එන්නට තීරණය කලෙමු. බස් එක කෙතරම් වේගෙන අර වංගු දිගේ ආවාද කියතොත් දුම්රිය නාවලපිටියේ නවතනවාත් සමගම අපි එතනය.


නැවත දිලූකගේ නිවහනට පැමිණියේ ගේ ගාව ඇලේ නාන්න බලාගෙනය. ඒ යන අතරමග ඔයේ කට්ටියක් නාන්නේය. ඒ අමුතු වූ දර්ශනයද අපි මිස් නොකලෙමු.




නාන පොටෝ ගැසීමට මෙදා එකෙක් නොමැති විය. මන්ද සියල්ලෝම සිටියේ ඇලේ බැවින්ය. එදා රැයත් ඒ ගෙදරම ගත කොට පසු දින මහ පාන්දර 3 බසයෙන් අපි ගල්කිස්සට එන්නට පිටත් වූයේ පසුදින ලෙක්චර් එකට සහභාගී වීම සදහාය..


තවත් එක් සුන්දර ගමනක් මෙසේ නිමාවිය..

බුකියේ පල වූ ලස්සන පොටෝ ඇල්බමය මෙතනින්...


සුභ වේවා!!! රාජ සම්පත් ලැබේවා!!!



බස් රේඩියෝ බ්ලොග් සතිය වෙනුවෙන් එක දිගට....




1. තෑගි ප්‍රශ්නය 6
2. නංගීට අම්මා අවසර දෙයි
3. නංගී යනු කවුද
4. බස් රේඩියෝව ගිනි තැබීම




Tuesday, July 10, 2012

බස් රේඩියෝවේ ගිනි මද්දහන ගිනි තැබීමේ ක්‍රියාන්විතය - Operation BuzZ

කවුරුත් හදුනන  බස් රේඩියෝව යනු බ්ලොග් අවකාශය වෙනුවෙන්ම තැනුනු එකම ගුවන් විදුලි නාලිකාවය. හැමදාම නිවාඩු දවසට ඕක කනේ ගහගෙන ඇහුවාට කවදාවත් සින්දු ඉල්ලන්න ගියේ නැත. ඒත් ඊයේ නිකමට වගේ සින්දුවක් ඉල්ලන්නට සිතුනේය. සෝමතිලක ජයමහ මහත්තයගේ ආදරයේ උණුසුම ලග දුක දැනෙන්නේ නෑ සින්දුව ඉල්ලුවෙමි. එකතු කරගන්නටත් පිරිසක් ඕනෑය. මතකයට ආපු බ්ලොග් යාළුවෝ ටික දෙනෙක් හා ඒ වෙලාවේ බුකියේ ඔන්ලයින් හිටපු ටික දෙනෙක්ගේ නම් සටහන් කලෙමි. ඒ,

වර්ණා අක්කා
දම්මි අක්කා
මීගොඩයා
කාව්‍යා අක්කා
මධුරංගයා
ක්සැන්ඩරයා
නාඩියා
රෙපා
දිනේශ්

මේ ඒ සෙට් එකය... කට්ටියට අහන්න කියලා බුකියේ ස්ටේටස් එක්කද දැම්මෙමි. ඒත් සමගම ක්සැන්ඩරයා අමුතු යෝජනාවක් කලේය.

මොකද කියන්නේ? කට්ටිය එකතු වෙලා මාරුවෙන් මාරුවට සිංදු ඉල්ලමුද?

එලම තමා දාමුද කියහන්කෝ අයිස් අක්කා කොර වෙලා යන්න. ඕං මං ආයේ දානවා ඈ...

මේ අතර රජා ඉල්ලූ ගීතය ගැන අයිස් අක්කා දොඩවන්නට විය...

මෙන්න අද අළුත් යාළුවෙක් ඇවිල්ලා ඉන්නවා... හර්ෂණ අදිකාරි හෙවත් අඩවි රාජා... (රජා ට රාජා ලූ)... අම්මෝ... බයෙත් බෑ... 
මෙන්න මෙයාලව එකතු කරගන්නවා.. කියා නම් කියවන්නට විය.. ක්සැන්ඩරයාගේ නම විකෘති විය. එය කක්කාසැන්ඩර් වැන්නකට පෙරලී තිබුනි.

අපි නැග්ගොත් පුවක් ගහෙත් දෙබලක්ය. ඒ අස්සේ අනිත් අයට රේඩියෝව ලෝඩ් වෙන්නේ නැතිලුය. මේ වන විට ක්සැන්ඩර්ද තම ගීත ඉල්ලීම යවා තිබුනි. එය කඩු වැනිල්ලකි. ඊට


හසිත
තනි  අලියා

හා තවත් විශාල පිරිසක් එකතු කර ගත්තේය. ඒ අතර වර්ණා අක්කත් රික්වෙස්ට් එකක් යවා තිබුනි. ඒ චම්මක චල්ලෝ ගීතයටය. ඊට එකතු කරගන්නන් ලෙස හිතක් පපුවක් නැති ලෙස ප්‍රසිද්ධ මාධ්‍යයේ මට වල් රජා කියා යවා තිබුනාය. ඒකත් අයිස් අක්කාත් එහෙම්මම කියා ලාවට එල්ලෙමින් තිබූ යට ඇදුම් පවා ගලවා විසික් කලාය. ක්සැන්ඩරයාගේ නම කීවේ ක්ක්...ඩබල්සැන්ඩර්ද මොකක්දය...

ඊලගට තව දෙතුන් දෙනෙක්ගේ සින්දු දෙක තුනක් ගියේය. ඒවා නං හෙන නිදිමතය. ඒත් සමගම නිව්ටන් අයියගේ ඉල්ලීමක්ද ගියේය. එයා හැදුවේ නිදියන්නය. ඒ කිව්වේ ඔබ නිදන්න ඔබ නිදන්න ගීතයය. නැවතත් අයිස් අක්කාගේ හඩය,

අපිට තව ගීත ඉල්ලීම් කීපයක්ම තියනවා ක්සැන්ඩරගෙන්, වර්ණා අක්කගෙන් වගේම මේ අඩවි රාජාගෙන් (එතනත් කෑවා නම) ආ... තව දම්මි කියලා යාළුවෙකුගෙන් තියනවා එකක්. එයා මේ සින්දුව දෙන්නේ හර්ෂණ මල්ලි ඇතුළු බ්ලොග් ආදරවන්තයෝ හැමෝටම.

ඒ අතර ක්සැන්ඩරයා කෑගසයි.... ඔන්න රාජකීය පෙමට සින්දුවක් දම්මි ගානේ.


අයිස් අක්කා ඒකට පරණ සින්දුවක් කීමත් සමගම දම්මි අක්කා අතුරුදන් විය.

ඒවායින් පසුව තව සින්දු දෙක තුනක් ගියේය..ආයෙත් අයිස් අක්කාය - අපිට තව ගීත ඉල්ලීම් තියනවා බලමු... අයියෝ මේ හර්ෂණ මල්ලියා එක්ක බෑ අනේ... තව ගීත ඉල්ලීම් 3යි.. කමක් නෑ.. අදනේ මේ පැත්තට ආවේ...


ඊට,


අග්නි ධාරා
සාතන්
බට්ටි

එකතු කර ගන්නා ලදී. නැවතත් වර්ණා අක්කාගේ ගීත ඉල්ලීමක්ය... ඉල්ලා තිබුනේ රජ්ජුරුවෝ උඩයි උඩයි.. කළු කෙල්ලෝ බිමයි බිමයි... (වර්ණා අක්කා වගේ) සින්දුවය. ආයෙත් කියා තිබුනේ වල් රජා කියාය. ඒ වන විට වෙලාව 5ය. වැඩසටහන ඉවර වෙන්න ඕනෑය. ඒත් ඉවර කල නොහැක. හේතුව අපේ ගීත ඉල්ලීම්ය.


රජා තනියම අහන්න හින්දි සින්දුවක් ඉල්ලීමත් සමගම සතර අතින් විරෝධතා එල්ල වෙන්නට විය. එහෙම තනියම අහන්නට බැරිලුය. ඇයි වදේ... මං අනිත් උන්ට සින්දු හතර පහක්ම ඉල්ලලා දුන්නේ..


අන්තිමට බස් එකට සිදුවූයේ එක්කෙනෙක්ගේ ගීත ඉල්ලීම් 3කට සීමා කිරීමටය. ඊයේ ගිනිමද්දහනේ 75% සින්දු ඉල්ලුවේ අපිය...පහට ඉවර වෙන ෂෝ එක ඉවර වෙද්දී 5.30ත් පහු වෙලාද මන්දාය.


වැඩියෙන්ම ඇසුන වචන ටික,


වර්ණා
ක්සැන්ඩර්
දම්මි
හර්ෂණ හෙවත් අඩවි රජා / වල් රජා


ඉල්ලූ ගීත සමූහය,

රජා - 6යි
ක්සැන්ඩර් - 3යි හෝ 4යි
වර්ණා අක්කා - 2යි
දම්මි අක්කා -1යි 

මේ ගීත ඔක්කොම නාහෙන් අඩමින්, අපට බනිමින් සපයා දුන් අයිස් අක්කාටත්, ජේඩියාටත් අප සැමගේ උත්තමාචාරය!


ඊයේ ක්සැන්ඩර් හා රජා බුකියේ ගෙන ආ සජීවී විකාශය මෙතනින්...


හෙටත් ගිනි තැබීමේ අදහසක් ඇත. එන කට්ටිය 2 වෙනකොට බුකියට ආවොත් හොදය...

සුභ වේවා!!! රාජ සම්පත් ලැබේවා!!!


බස් රේඩියෝ බ්ලොග් සතිය වෙනුවෙන් එක දිගට....


1. තෑගි ප්‍රශ්නය 6
2. නංගීට අම්මා අවසර දෙයි
3. නංගී යනු කවුද



Monday, July 9, 2012

කට්ටිය ඇඳපු ඇඳිල්ලක්... අයියෝ හූ...ඈ....

මට මේ ඊයේ දාපු පෝස්ටුවට ආපු කමෙන්ටු දැකලා බඩ පැලෙන්න හිනා වෙලා කෙලින් ඉන්න බැරිය. තවත් දුරට මේක ඇදගෙන ගියොත් මගේ චරිතයට හානි වෙන්නේය. අනික මට කෙල්ලෙක් අනාගතේ සෙට් වීමත් මග හැරෙන්නට පුළුවන. මට සෙට් උන කෙල්ලෙක් නැතිය. අපේ අම්මා ස්කූටි ස්ට්‍රීක් නංගියෙක් අරං දෙන ආයාචනයට හා කිව්වේය. හෙට ඇයව බලන්නට යන්නේය.

ඇය,

දිගැටි ඇස් කීවේ - ලයිට් දිග නිසාය...

කන්‍යාවියක් බව කීවේ - තාම අන්රෙජිස්ටර් නිසාය...

පුළුල් උකුල බව කීවේ - බයික් එකේ පිටිපස්ස ටිකක් පිම්බී ඇති නිසාය...

දෙන්නෙකුට ඉදගත හැකි බව කීවේ - සීට් එක කුශන්, 2ක් යා හැකි නිසාය...

මේක හරියට තේරුම් ගත්තේ සාතන් අයියා විතරය. අනිත් අය මාව වරදවා තේරුම් ගැනීම පිළිබද මාගේ බලවත් කණගාටුව..




මේ අවුරුදු 20 යන්තම් පිරිච්ච එකාට මොන මගුල්ද බොලව්නේ.......??

මගෙ මංගල්ලෙට සුභ පතපු හැමෝටම ස්තූතියි..
ඒත් එක්කම හූ...ඈ... ^_^

සුභ වේවා!!! රාජ සම්පත් ලැබේවා!!!

ගන්න ගියේ එකක්... ගත්තේ වෙන එකක්....
රතු පාට ප්ලෙෂර් නංගියා!!!
මේ ඉන්නෙ......